‘கல்வியில் சிறந்த தமிழ்நாடு’: மற்ற மாநிலங்களுக்கு முன்னுதாரணம்
சென்னை, செப்.26 - சென்னை ஜவஹர்லால் நேரு உள்விளை யாட்டு அரங்கில் நடந்த “கல்வியில் சிறந்த தமிழ் நாடு” விழா, மாநிலத்தின் கல்வி எழுச்சியை வெளிப் படுத்தும் மகத்தான நிகழ்வாக அமைந்தது. அரசுப் பள்ளி மாணவர்களின் சிறப்பு நிகழ்ச்சி விழுப்புரம் கிராமத்திலிருந்து வந்த 16 வயது மாணவி மற்றும் 9 வயது சிறுமியின் “பிள்ளை நிலா” பாடல் போன்ற நிகழ்ச்சிகள் பார்வையாளர் களை மெய்மறக்கச் செய்தன. இசைப் பின்னணி எதுவுமில்லாமல் வெறும் குரலிசையில் பாடிய சிற்றூர் குழந்தைகளின் திறமை அனைவரையும் வியப்பில் ஆழ்த்தியது. “சிறு துளி பெரு வெள்ளம்” என்பதற்கு சாட்சி யாக அமைந்த இந்த நிகழ்ச்சிகள், அமைச்சர்கள் தொடங்கி பார்வையாளர்கள் வரை அனைவரை யும் நெகிழ்ச்சிக் கடலில் ஆழ்த்தின. “செம்மண்ணில் செம்மல்கள் விளையும்” என்ற பழமொழியை உறுதிப்படுத்தும் வகையில் அரசுப் பள்ளி மாண வர்களின் திறமை வெளிப்பட்டது. தெலுங்கானாவில் காலை உணவுத் திட்டம் தெலுங்கானா முதலமைச்சர் ரேவந்த் ரெட்டி, தமிழகத்தின் கல்விக் கொள்கைகளைப் பாராட்டி முக்கியமான அறிவிப்பை வெளியிட்டார். “முதல மைச்சரின் காலை உணவுத் திட்டம், புதுமைப் பெண், தமிழ்ப் புதல்வன், நான் முதல்வன் போன்ற திட்டங்களை அடுத்த கல்வியாண்டில் தெலுங்கா னாவிலும் அமல்படுத்துவோம்” என்று அறி வித்தார். “தமிழ்நாட்டில் தோன்றிய திட்டங்கள் தென்னிந் தியா முழுவதும் பரவி இந்தியாவுக்கே வழிகாட்டி யாக அமைகிறது. முத்தமிழறிஞர் கலைஞரின் அர சியல் தெலுங்கானாவை மிகவும் ஈர்த்துள்ளது” என்று அவர் குறிப்பிட்டார். மேலும், தெலுங்கானாவில் வரவிருக்கும் உள்ளாட்சித் தேர்தலில் ஓபிசி, எஸ்சி, எஸ்டி பிரிவி னருக்கு 27 சதவீத ஒதுக்கீடு வழங்கி தேர்தல் நடத்து வதாகவும், “தமிழ்நாட்டில் கொண்டு வந்த சத்து ணவு திட்டத்தைப் பார்த்துதான் தென்னிந்திய மாநிலங்களிலும் அந்தத் திட்டத்தைக் கொண்டு வந்தனர்” என்றும் ரேவந்த் ரெட்டி தெரிவித்தார். திரையுலகினரின் பாராட்டு இயக்குநர் வெற்றிமாறன் “அறிவுக்கு அள வில்லை” என்ற நம்பிக்கையில் தமிழகத்தின் 50 ஆண்டுகால கல்வி முன்னேற்ற பாரம்பரியத் தைப் பாராட்டினார். நடிகர் சிவகார்த்திகேயன் “கல்வியே செல்வம்” என்ற உண்மையை வலியு றுத்தி, “முதல் தலைமுறையில் ஒருவர் படித்தால் அடுத்த தலைமுறையில் பெரிய மாற்றம் வரும்” என்று தனது குடும்ப அனுபவத்தின் வழியாக எடுத்துரைத்தார். இயக்குநர் மாரி செல்வராஜ் “பசியின் கொடுமை” குறித்த தனது கடந்தகால அனுபவங் களைப் பகிர்ந்து, “நான்கு கிலோமீட்டர் தூரம் பசியோடு நடந்து பள்ளிக்குச் செல்லும் கொடுமை” இனி இல்லை என்று காலை உணவுத் திட்டத்தின் முக்கியத்துவத்தை எடுத்துரைத்தார். பள்ளிகளில் சாதிப் பெயர்களை அகற்றியதை “அறிவு யுத்தம்” என்று பாராட்டினார். இயக்குநர் தமிழரசன் பச்சமுத்து “பாமர மக்க ளின் குழந்தைகளின் கோரிக்கைகளுக்காக முதல மைச்சர் திட்டங்களை கொண்டு வந்திருப்பது மிகவும் உணர்வுபூர்வமானது” என்று குறிப்பிட் டார். இயக்குநர் மிஷ்கின் “இன்றைய மாணவர் களுக்கு எல்லா உதவியும் கிடைக்கிறது, படித்தால் மட்டும் போதும்” என்று தெரிவித்தார். முதலமைச்சரின் பெருமிதம் இந்நிலையில், முதலமைச்சர் மு.க.ஸ்டா லின் தனது சமூக வலைதளப் பதிவில், “கல்விப் பாதையில் தமிழகம் ஒட்டுமொத்த இந்தியா வுக்கே வழிகாட்டி என்பது மீண்டும் உறுதிப் படுத்தப்பட்டுள்ளது” என்று பெருமிதத்துடன் தெரி வித்துள்ளார்.
மாணவி பிரேமாவுக்கு வீடு கட்டித் தரப்படும்:
முதல்வர் சென்னையில் ‘கல்வியில் சிறந்த தமிழ்நாடு’ நிகழ்ச்சி 7 பகுதிகளாக பிரிக்கப்பட்டு நடந்தது. கல்வியை எந்த எதிர்பார்ப்பும் இல்லாமல் வழங்கிவரும் அகரம் பவுண்டேஷனுக்காக நடிகர் சூர்யா, கார்த்தி ஆகியோரது சார்பில் அவரது தந்தை சிவகுமார், இயக்குநர் ஞானவேல்ராஜா ஆகியோ ருக்குப் பரிசுகள் வழங்கப்பட்டன. இந்நிகழ்ச்சியில் ஆலங்குளம் அருகே கழுநீர் குளத்தில் ஒழுகும் வீட்டில் அப்பா உள்ளதாக மாணவி கண்ணீர் மல்க பேசியிருந்தார். மாணவி கண்ணீர் மல்க பேசிய 24 மணி நேரத்துக்குள் வீடு ஒதுக்கி முதலமைச்சர் மு.க.ஸ்டாலின் உத்தரவிட்டார். முதலமைச்சர் ஸ்டாலின், “எத்தனையோ பேரின் எதிர்ப்பை மீறி படிக்க வைத்த தந்தையிடம் முதல் மாத சம்பளத்தைத் தந்து மகிழ்ச்சி அடைந்தீர்கள். ஒழுகும் வீட்டில் அப்பா இருப்பாரே என்ற கவலை மாணவி பிரேமாவுக்கு இனி வேண்டாம். புதிய வீடு கட்டிக் கொடுப்பதற்கான ஆணையை வழங்கி நான் மகிழ்ச்சி கொள்கிறேன்” என்று கூறினார்.