கேங்மேன்களுக்கு எழுத்து தேர்வு பயிற்சி

விழுப்புரம், பிப். 22- மின்சார வாரியத்தில் கேங்மேன் பதவிக்கு உடல் தகுதி முடித்தவர்களுக்கு அடுத்து எழுத்து தேர்வை எதிர்கொள்ள உள்ளனர். அவர்களுக்கு மின்  ஊழியர் மத்திய அமைப்பு (சிஐடியு) சார்பில் விழுப்புரம் மாவட்ட மார்க்சிஸ்ட் கம்யூ னிஸ்ட் கட்சி அலுவலகத்தில் தேர்வுக்கான முன்மாதிரி பயிற்சி வகுப்பு சனிக்கிழமை (பிப்.22) தொடங்கியது.  ஞாயிறன்றும் பிப்.(23) பயிற்சி வகுப்பு நடக்கிறது.  முதல் நாள் பயிற்சி வகுப்பிற்கு விழுப்புரம் திட்ட அலுவலர் ஆர்.சேகர் தலைமை தாங்கினார். பொருளா ளர் ஆர்.அருள் வரவேற்றார். மாநில துணைப் பொதுச்செய லாளர் டி.பழனிவேல் பயிற்சி வகுப்பை தொடங்கி வைத்து பேசினார். பொறியாளர் இமானுவேல் தேர்வு எழுதுப வர்கள் தேர்வை எப்படி எதிர்கொள்வது எப்படி என பயிற்சி அளித்தார். சிஐடியு மாவட்டச் செயலாளர் ஆர்.மூர்த்தி, கள்ளக்குறிச்சி திட்டத் தலைவர் கே.விஜயகுமார் ஆகி யோர் வாழ்த்திப் பேசினர். இதில் 150 பேர் கலந்து கொண்ட னர்.