நெல்லை,செப்.1- உலக தொழில் முனைவோர் மாநாட்டில் வந்த முதலீடுகள் குறித்து வெள்ளை அறிக்கை வெளியிட வேண்டும் என்று திமுக தலைவரும் சட்டமன்ற எதிர்க்கட்சி தலைவருமான மு.க.ஸ்டாலின் வலியுறுத்தியுள்ளார். விடுதலைப் போராட்ட வீரர் பூலித்தேவனின் 304வது பிறந்த நாளை முன்னிட்டு ஞாயிறன்று நெல்லையில் நெற்கட்டும்செவலில் உள்ள அவரது சிலைக்கு தி.மு.க. தலைவர் மு.க. ஸ்டாலின் மாலை அணிவித்து மரியாதை செலுத்தினார். பின்னர் அவர் செய்தியாளர்களி டம் கூறியதாவது: நாங்குநேரி, விக்கிரவாண்டி இடைத்தேர்த லில் யார் போட்டி என்பது குறித்து, தேர்தல் தேதி அறிவித்த பின் ஆலோசித்து முடிவெடுக்கப்படும். முதலமைச்சர் மட்டுமல்ல. 10 அமைச்சர்களும் வெளிநாட்டு பயணம் மேற்கொள்கின்ற னர். ஏற்கனவே நடந்த 2 உலக தொழில் முனைவோர் மாநாட்டின் நிலை என்ன? அதன் மூலம் வந்த முதலீடுகள் குறித்து வெள்ளை அறிக்கை வெளியிட வேண்டும் என்று தெரிவித்தார்.
