அடுப்பங்கரையிலிருந்து உலக அரங்கிற்கு உயர்வு...

அடுப்பங்கரையிலிருந்து உலக அரங்கிற்கு உயர்வு...

“நூற்றாண்டுகளாக இந்திய சமூகத்தின் ஓரங்களில் தள்ளப்பட்டு, கல்வியறிவு மறுக்கப்பட்டு வாழ்ந்துவரும் இந்த சமூகத்தின் வாழ்க்கைப் பாதை கடல் போல் கொந்தளிப்பானது. ஆனால், அதே கடலில் முத்துக்களும் பிறக்கின்றன என்பதை நிரூபிக்கிறார் மசாலா புகழ் ரஞ்சன். திருமண மண்டபங்களிலும் துக்க நிகழ்வு களிலும் பந்தியில் உட்காரவிடாமல், மிச்ச உண வையும் ஒதுக்குப்புறமாக ஒரு இலையில், தகர  டப்பாவில் கொடுத்த காலம் அது. மனித உரிமை  என்ற பெயரில் சட்டங்கள் இருந்தாலும், மனித  மனங்களில் வேரூன்றிய வெறுப்பு அவர்களை விலங்குகளைவிடக் கேவலமாக நடத்தியது. ஆனால் இன்று, அதே ரஞ்சனின் சமையல் காண நாள்தோறும் யூட்யூபர்கள் தேடி வரு கிறார்கள்.  அவர் மீன் குழம்பில் போடும் மசாலா வின் மணம் காண கேமராக்களும் மைக்ரோ போன்களும் அடர்ந்த புதர் மண்டி கிடைக்கும் கரடு முரடான சாலையில் அமைந்திருக்கும் அவ ரது  குடிசையை நோக்கித் திரும்புகின்றன. இது  வெறும் தலைகீழ் மாற்றம் மட்டுமல்ல, இது வர லாற்றின் நீதி, திறமையின் வெற்றி, மனித மதிப்  பின் மறுஉறுதிப்பாடு. உலகம் கற்பித்த பாடங்கள் ஏறத்தாழ 44 வயதாகும் ரஞ்சனுக்கு மூன்று  மகள்கள். இரண்டு மகன்கள். மூத்த மகள் சத்யா வுக்கு திருமணம் முடிந்து விட்டது. படிப்பறிவு இல்லாத இந்த மனிதர், எம்.ஜி.ஆர், சிவாஜி,  விஜயகாந்த், வடிவேலு, ராஜ்கிரன் என்று திரைத்  துறை ஜாம்பவான் களின் வசனத்தையும், பட காட்சிகளையும் தனக்கே உரிய பாணியில் சரள மாகப் பேசுகிறார். அவரது குரலில் அந்த வசனங்  கள் புதிய உயிர் பெறுகின்றன. அவரது முகபாவ னைகளில் அந்தக் காட்சிகள் மறுபிறப்பெடுக் கின்றன. கல்வி என்பது வகுப்பறைகளுக்குள் மட்டும்  நடக்கவில்லை என்பதற்கு ரஞ்சன் உதாரணம். சினிமா அரங்குகளின் இருட்டு அவருக்கு பல்க லைக் கழகமாக மாறியது, திரையில் ஓடும் வச னங்கள் அவருக்கு இலக்கியமாக மாறியது. வகுப்பறைகளின் வாசல்கள் அவருக்குத் திறக்கப்படாத காலத்தில், வாழ்க்கையே அவ ருக்கு பாடசாலையாக மாறியது. அடுப்பங்கரை யில் கற்றுக்கொண்ட வித்தைகள், அவரது குடும்  பத்தின் வறுமையும் சமூகத்தின் வன்மையும் சேர்ந்து வடித்த வாழ்க்கைப் பாடம் - இவை யெல்லாம் ரஞ்சனை இன்றைய நிலைக்குக் கொண்டுவந்த படிக்கற்கள். ஒரு மசாலாவில்  ஒளிந்திருக்கும் அனுபவம் அவரது கைகளில் மசாலா வெறும் மணங்  கள் அல்ல, அது தலைமுறைகளின் அனுபவம்,  கடல் காற்றின் உப்பும் இனிப்பும், தாய்மார்களின்  பாசமும் பொறுமையும் கலந்த ரசவாதம். அந்த  மசாலாவைப் பயன்படுத்தி அவர் சமைக்கும்  மீன் குழம்பு வெறும் உணவு அல்ல, அது ஒரு  சமூகத்தின் கலாச்சார அடையாளம், மறக்கப் பட்ட மரபுகளின் மறுபிறப்பு, புறக்கணிக்கப் பட்ட  மக்களின் பெருமைக்கான பிரகடனம். யூடியூப் என்ற இணைய மேடையில் அவரது  சமையல் காணொளிகள் வைரலாகி, உலகின் பல்வேறு மூலைகளிலிருந்தும் மக்கள் அவரது  உணவைப் பாராட்டத் தொடங்கினர். மசாலா மீன்  குழம்பு, கறி குழம்பு, நண்டு முட்டை என்று வகை  வகையாக விதவிதமாக சமையல் செய்து அசத்துகிறார்.  ஒளிவு, மறைவு இல்லாமல் பேசும் இந்த மனி தரின் மசாலா அரைக்கும் அழகே தனி. “இந்த  மசாலா அரைத்து சாப்பிட்டால் நூறு வருடம் வாழலாம், நரிக்குறவர் ஆரோக்கியத்தின் ரகசி யம் இந்த மசாலா தான்” என்று உற்சாகமாக சொல்லும் அவரது குரலில் தன்னம்பிக்கை பொங்குகிறது. நரிக்குறவர் சமூகத்தினர் ஒவ்வொருவரும் தங்களது சொந்த போராட்டங்களையும், கனவு களையும் சுமந்து கொண்டு வாழ்கிறார்கள். ரஞ்ச னும் அத்தகைய ஒரு சமூகக் குடிசையிலிருந்து எழுந்த குரல். அவரது குடும்பப் பின்னணி வறு மையில் வேரூன்றியது, ஆனால் அந்த வேர்களி லிருந்துதான் இந்த வலிமையான மரம் வளர்ந்தது.  செங்கல்பட்டு மாவட்டம், திருக்கழுக்குன் றம் வட்டம் மாமல்லபுரம் அருகே பூஞ்சேரி,  கொத்திமங்கலம் ஆகிய பகுதிகளில் நிரந்தர மாக நரிக்குறவர்கள் வசித்து வருகிறார்கள். பூஞ்சேரியில் பட்டா கிடைத்திருந்தாலும் கொத்தி  மங்கலத்திற்கு இன்னும் பட்டா கிடைக்க வில்லை. ரஞ்சன், அவரது மனைவி கண்மணி இருக்கும் இடம் எது என்பதைவிட, அவரது மசா லாவின் மணம் இன்று எல்லைகளைக் கடந்து பரவியிருக்கிறது என்பதே முக்கியம். சாதியின் சங்கிலிகளை உடைத்த வெற்றி ரஞ்சனின் வெற்றி தனிப்பட்ட சாதனை மட்டு மல்ல, அது ஒரு சமூகத்தின் மீட்புக் கதை. நரிக்குற வர் சமூகத்தின் இளைஞர்களுக்கு அவர் ஒரு  வழிகாட்டி விளக்காக மாறியிருக்கிறார். சாதி யின் பெயரால் கல்வி மறுக்கப்பட்டாலும், சமூ கத்தால் ஒதுக்கப் பட்டாலும், எச்சில் இலை யில் உணவு கொடுக்கப்பட்டாலும், தனது திற மையாலும் உழைப்பாலும் உலகத்தை வெல்ல  முடியும் என்ற நம்பிக்கையின் சின்னமாக அவர்  உயர்ந்து நிற்கிறார்.  “நரிக்குறவர் இனத்தில் முதல் அரசு ஊழியர் மற்றும் முதல் பெண் வழக்கறிஞர் குறித்து ‘கல்வி ஒளியில் மலரும் சமூகம்’ என்ற தலைப்பில் இரண்டு வாரங்களுக்கு முன்பு வண்ணக்கதிரில் வெளியிட்டு இருந்தோம். அதைப் படித்த சமூக ஆர்வலர்கள் அரசியல்  கட்சி தலைவர்களும் பல்வேறு அமைப்புகளைச் சார்ந்தவர்களின் பாராட்டுகளுடன் மேலும் ஏராளமான தகவல்கள் கிடைத்தது. அதில் ஒன்றுதான் இந்த “மசாலா புகழ் நரிக்குறவர் ரஞ்சன். இந்தப் பெயரில் ஒரு சமூகத்தின் பெருமை  ஒலிக்கிறது. ஒரு கலாச்சாரத்தின் மறுமலர்ச்சி தெரிகிறது. மனித உழைப்பின் மகத்துவம் வெளிப்படுகிறது.உலக அரங்கிற்கு கடந்த அவ ரது பயணம், இந்திய சமூகத்தின் மாற்றத்திற் கான நம்பிக்கையின் பயணமாகவும் இருக்கிறது. ரஞ்சனின் கதை நமக்கு ஒரு முக்கியமான பாடத்தைக் கற்பிக்கிறது - திறமைக்கு சாதி யில்லை, கல்விக்கான சான்றிதழ்களுக்கு அப்பால் ஞானம் இருக்கிறது, சமூகம் எழுதும்  வரையறைகளை மனிதர்களின் மனோதிடம் துடைத்தெறிய முடியும்.  இன்றைய சமூகம் இன்னும் சாதியின் சங்கிலி களில் சிக்கித் தவிக்கும் வேளையில், ரஞ்சன்  போன்றவர்கள் அந்த சங்கிலிகளை உடைக்கும் சுத்தியல்கள். அவரது வெற்றி, ஒவ்வொரு ஒதுக்கப்பட்ட சமூகத்தின் இளைஞர்களுக்கும் கனவு காணத் துணிச்சல் கொடுக்கிறது, முயற்  சிக்கத் தைரியம் தருகிறது, வெற்றி பெறு வதற்கான நம்பிக்கையை விதைக்கிறது.