சென்னை, மே 27-சென்னை கவிஓவியா கலை இலக்கிய மன்றம் சார்பில் மூன்று கவிதை நூல் கள் வெளியீடு, கவியரங்கம், சிறந்த எழுத்தாளர்களுக்கு விருதளிப்பு ஆகிய முப் பெரும் விழா சென்னை எழும்பூர் இக்ஷா மையத்தில் நடைபெற்றது. இந்த நிகழ் வுக்கு திரைப்பட இயக்குநர் ராசி அழகப்பன் தலைமையேற்று, கலை இலக்கிய எழுத்தாளுமைக்காக மின் வாரிய முதுநிலை கணக்கீட்டு அலுவலரும், தமிழ்நாடு முற்போக்கு எழுத்தாளர் கலைஞர்கள் சங்கத்தின் திருவண்ணாமலை மாவட் டத் தலைவருமான கவிஞர் ஆரிசனுக்கு எழுத்துச் சிற்பி விருது வழங்கி கவுரவித்தார். நிறைவாக மயிலாடுதுறை இளையபாரதி நன்றி கூறினார்.விழாவில் சந்திரசேகர் பில்டர்ஸ் நிறுவனர்மாம்பலம் சந்திரசேகர், கவிஞர் பா.வெ. பட்டுக்கோட்டை கல்யாணசுந்தரம் அறக்கட்டளை தலைவர் மெயில் ரூஸ் வெல்ட் உட்பட எழுத்தாளர்கள் கவிஞர்கள் பலரும் கலந்துகொண்டனர்.மின்சாரப் பூக்கள், கனவற்றவர்களின் வாழ்க்கை,வேட்கையின் நிழல், மூங்கில் தவம்,மயிலிறகின் முத்தம் உட்பட பத்திற்கும் மேற்பட்ட நூல்களை எழுத்துலகிற்கு தந்தவர் ஆரிசன் என் பது குறிப்பிடத் தக்கது.
