தேர்தல் நடைபெறும் வாக்குச்சாவடி மையங்களில் வாக்காளர்களுக்கு தேவையான அடிப்படை வசதிகளை கட்டாயம் வழங்க வேண்டும் என தேர்தல் ஆணையம் உத்தரவிட்டுள்ளது.
இதுகுறித்து தேர்தல் ஆணையம் வெளியிட்டுள்ள அறிக்கையில்;
- தேர்தல் ஆணையம் 2026 மார்ச் 15 அன்று அசாம், கேரளா, புதுச்சேரி, தமிழ்நாடு மற்றும் மேற்கு வங்காள மாநில சட்டமன்ற பொதுத் தேர்தல்களுக்கும், 6 மாநிலங்களில் இடைத்தேர்தல்களுக்கும் அட்டவணையை அறிவித்தது.
- நாடு முழுவதும் உள்ள 2,18,807 வாக்குச்சாவடிகளில் "கட்டாய குறைந்தபட்ச வசதிகள்” மற்றும் வாக்காளர் உதவி வசதிகள் கட்டாயமாக வழங்கப்பட வேண்டும் என்று மாநில/மத்தியப் பிரதேச தலைமைத் தேர்தல் அதிகாரிகளுக்கு அறிவுறுத்தப்பட்டுள்ளது.
- குடிநீர், நிழலுடன் கூடிய காத்திருப்பு பகுதி, கழிப்பறை (தண்ணீர் வசதியுடன்), போதுமான விளக்கு, மாற்றுத்திறனாளிகளுக்கான சரியான சாய்வு ரேம்ப், நிலையான வாக்குப் பெட்டி அறை, வழிகாட்டி பலகைகள் ஆகியவை அடங்கும். மேலும் வரிசையில் நிற்கும் வாக்காளர்கள் அமருவதற்காக இடைவெளிகளில் நாற்காலிகள் வைக்கவும் உத்தரவிடப்பட்டுள்ளது.
- வாக்காளர் விழிப்புணர்வை அதிகரிக்க, ஒவ்வொரு வாக்குச்சாவடியிலும் 4 வகையான Voter Facilitation Posters (VFP) கட்டாயமாக ஒட்டப்பட வேண்டும். இதில் வாக்குச்சாவடி விவரங்கள், வேட்பாளர் பட்டியல், செய்யவேண்டியவை/செய்யக்கூடாதவை, அங்கீகரிக்கப்பட்ட அடையாள ஆவணங்கள் மற்றும் வாக்களிப்பு நடைமுறை ஆகியவை இடம்பெறும்.
- ஒவ்வொரு வாக்குச்சாவடி வளாகத்திலும் Voter Assistance Booth (VAB) அமைக்கப்படும். இதில் தேர்தல் அலுவலர்கள், வாக்காளர்களுக்கு அவர்களின் வாக்குச்சாவடி எண் மற்றும் வாக்காளர் பட்டியலில் உள்ள வரிசை எண்ணை கண்டறிய உதவுவார்கள்.
- வாக்காளர்களின் வசதிக்காக, வாக்குச்சாவடி நுழைவாயிலுக்கு வெளியே மொபைல் போன் ஒப்படைப்பு வசதி ஏற்படுத்தப்படும். வாக்காளர்கள் தங்கள் மொபைலை (ஆஃப் செய்து) ஒப்படைத்து வாக்களித்து முடித்த பின் மீண்டும் பெறலாம்.
- இந்த அனைத்து வசதிகளும் கட்டாயமாக வழங்கப்பட வேண்டும் என தேர்தல் ஆணையம் வலியுறுத்தியுள்ளது. வாக்குப்பதிவு நாளுக்கு முன்பே அனைத்து ஏற்பாடுகளும் முழுமையாக செய்யப்பட வேண்டும் என்றும் உத்தரவிடப்பட்டுள்ளது.