சீன கம்யூனிஸ்ட் கட்சி பிரதிநிதிகள் திருவனந்தபுரம் ஏகேஜி மையம் வருகை
ன கம்யூனிஸ்ட் கட்சியின் பிரதிநிதிகள் குழு, சிபிஎம் கேரள மாநிலக் குழுவின் தலைமையகமான ஏகேஜி மையத்திற்கு வருகை தந்தனர். சீனத் தூதரகத்தின் துணைத் தலைவர் ஹீ மெங், அரசியல் கட்சி விவகாரங்களுக்குப் பொறுப்பான தூதரகத்தின் ஆலோசகர் சோவ் குவோஹி, அரசியல் கட்சி விவகாரங்களுக்குப் பொறுப்பான தூதரகத்தின் இரண்டாம் செயலாளர் குவோ டோங்டாங் ஆகியோர் அடங்கிய குழு, ஏகேஜி மையத்தைப் பார்வையிட்டது. இந்தக் குழுவை சிபிஎம் மாநிலச் செயலாளர் எம்.வி. கோவிந்தன் வரவேற்றார். இந்நிகழ்வில் இடது ஜனநாயக முன்னணி ஒருங்கிணைப்பாளர் டி.பி.ராமகிருஷ்ணன், மத்தியக் குழு உறுப்பினர்கள் சி.எஸ்.சுஜாதா, கே.எஸ்.சாலிகா, புத்தலத்து தினேசன் உள்ளிட்ட பலர் கலந்து கொண்டனர்.