தமிழ்நாட்டில் இருந்து மாநிலங்களவை உறுப்பினர்களாக அதிமுக-வை சேர்ந்த எம்.தனபால் மற்றும் ஐ.எஸ்.இன்பதுரை ஆகியோர் பதவியேற்றுக்கொண்டனர்.
தமிழ்நாட்டில் இருந்து மாநிலங்களவைக்கு தேர்ந்தெடுக்கப்பட்ட திமுகவைச் சேர்ந்த எம்.சண்முகம், முகமது அப்துல்லா, பி.வில்சன், மதிமுக பொதுச்செயலர் வைகோ, அதிமுகவின் சந்திரசேகரன் மற்றும் பாமக தலைவர் அன்புமணி ராமதாஸ் ஆகியோரது பதவிக்காலம் கடந்த ஜூலை 24-ஆம் தேதியுடன் முடிவடைந்தது. இந்த நிலையில், தமிழ்நாட்டில் இருந்து மாநிலங்களவைக்கு தேர்வு செய்யப்பட்ட கமல்ஹாசன், ராஜாத்தி சல்மா, எஸ்.ஆர்.சிவலிங்கம், பி.வில்சன் ஆகியோர் மாநிலங்களவை உறுப்பினர்களாக கடந்த ஜூலை 25-ஆம் தெதி பதவியேற்றுக்கொண்டனர்.
இதனை தொடர்ந்து அதிமுக-வை சேர்ந்த எம்.தனபால் மற்றும் ஐ.எஸ்.இன்பதுரை ஆகியோர் இன்று மாநிலங்களவை உறுப்பினர்களாக பதவியேற்றுக்கொண்டனர்.
