திருவாரூர், நவ.21- குடவாசல் அரசு ஆண்கள் மேல்நிலைப் பள்ளி கிளையின் 7 ஆவது கிளை மாநாடு குடவாசல் தியாகி தங்கையன் நினைவு அலுவலகத்தில் நடைபெற்றது. மாநாட்டிற்கு கிளை தலைவர் பாலகுரு தலைமை தாங்கினார், மாநாட்டில் பங்கேற்ற மாவட்ட துணைச் செயலாளர் எம்.கை. வைகை துவக்க உரையாற்றினார். மாவட்ட செயற்குழு உறுப்பினர் இரா. ரஞ்சித்குமார், மாவட்டக் குழு உறுப்பினர் ர. சிவனேஷ் ஆகியோர் வாழ்த்துரை வழங்கினார். வேலையறிக்கையை கிளைச் செயலாளர் மு.முகேஷ்ராஜன் வாசித்தார். மாநாட்டில் தலைவராக ரோகித், செயலாளராக பிரதிப் ஆகியோர் தேர்ந்தெடுக்கப்பட்டனர். மாவட்டச் செயலாளர் பா.லெ. சுகதேவ் புதிய நிர்வாகி களை அறிமுகப்படுத்தி நிறைவுறையாற்றினார். மாண வர்களின் கல்வி உதவி தொகையை நிலுவையின்றி விரைவாக வழங்கிட வேண்டும், பள்ளியில் குடிநீர் குழாய் களை மாணவர்கள் பயன்படுத்தும் வகையில் அதிகப் படுத்த வேண்டும் உள்ளிட்ட பல்வேறு கோரிக்கைகள் தீர்மானமாக நிறைவேற்றப்பட்டன.
