தனக்குத்தானே வலை விரித்துக் கொண்ட அமெரிக்க ஜனாதிபதி
டொனால்டு டிரம்ப் எப்போ தும் வெற்றியை மட்டுமே விரும்புகிறார். அவர் 1987-இல் எழுதிய ‘தி ஆர்ட் ஆஃப் தி டீல்’ (The Art of the Deal) என்ற புத்தகத்திலேயே, தான் எப்போதும் ‘பெரியதாகச் சிந்திக்கவும்’ ‘பெரிய அளவில் வெற்றி பெறவும்’ விரும்புவதாகத் தெளிவாகக் கூறியுள்ளார். டிரம்ப்பிற்குப் பிடிக்காத ஒரே சொல் ‘தோல்வியாளர்’ (loser) என்பதுதான்.
ஆனால், இந்த ஆண்டு டிரம்ப் தான் தவிர்ப்பதாக உறுதியளித்த ஒரு விஷ யத்தில் வெற்றியைப் பெறுவதில் தனது கவ னத்தைச் செலுத்தியுள்ளார்: அதுதான் போர்கள். ‘சிறுபிள்ளைத்தனமான’ ஏகாதிபத்தியம் டிரம்ப்பின் போர் முறை என்பது ஒரு வகையான சிறுபிள்ளைத்தனமான ஏகாதி பத்தியத்தின் அடையாளமாகும்: Hஅமெரிக்க ராணுவ பலத்தை, குறிப்பாக வான்வழித் தாக்குதல்களைப் பயன்படுத்தி ஒரு வீடியோ கேம் போன்ற போரை உருவாக்குவது.
H2017-இல் ஆப்கானிஸ்தானில் பயன்படுத் தப்பட்ட மிகப்பெரிய அணுஆயுதமற்ற குண்டான ‘மோவாப்’ (MOAB) வெடிப்பு, வெனிசுலா ஜனாதிபதி நிக்கோலஸ் மது ரோவைக் கடத்தியது அல்லது ஈரானின் உயர் தலைவரைக் கொன்றது போன்ற ஒரு பெரிய முடிவை இந்த ராணுவ பலம் கொண்டி ருக்க வேண்டும். Hஅமெரிக்கத் தரப்பில் உயிரிழப்புகள் இருக்கக் கூடாது அல்லது மிகக் குறைவாக இருக்க வேண்டும். Hபிராந்திய அல்லது சர்வதேச விளைவுக ளைப் பற்றிக் கவலைப்படாமல், முறை யான சரணடைதல் ஒப்பந்தம் ஏதுமின்றி தன்னிச்சையாக வெற்றியை அறிவிப்பது. வெனிசுலாவும் ஈரானும் டிரம்ப்பின் ஏகாதிபத்தியப் போருக்கான இலக்கணத்தை மிகச் சரியாக வகுத்துக் கொடுத்துள்ளன.
எதிரி நாட்டுத் தலைவரை ஒரு போதைப்பொருள் கடத்தல் பயங்கரவாதியாகவோ அல்லது அணுஆயுதப் பயங்கரவாதியாகவோ சித்த ரிப்பது, அந்த நாட்டின் கடற்கரையில் ஒரு பெரிய போர்க்கப்பல் படையை நிறுத்துவது, ராணுவத் திட்டங்களை மறைக்கப் பேச்சுவார்த்தைகளைப் புகைமூட்டம் போல பயன்படுத்துவது, தலைவ ரைக் கடத்துவது அல்லது படுகொலை செய்வது ஆகியவை இதன் உத்திகளாகும். வெனிசுலாவில் மதுரோ கடத்தப்பட்ட பிறகு, தற்காலிக ஜனாதிபதி டெல்சி ரோட்ரிக் ஸின் நிர்வாகம் அமெரிக்க உத்தரவுகளைப் பின்பற்றும் என்று எதிர்பார்க்கப்பட்டது.
ஆனால் ஜனவரி 26 அன்று அவர், ‘போதும் நிறுத்துங்கள், உங்கள் உத்தரவுகளை’ என்று முழங்கினார். ஈரானிலோ நிலைமை இன்னும் மோசமானது. அமெரிக்காவின் எந்த வொரு போர்நிறுத்த வாய்ப்பையும் ஏற்க ஈரான் மறுத்துவிட்டது. அமெரிக்காவை நம்ப முடியாத ஒரு எதிரியாகப் புரிந்துகொண்ட ஈரானியர்கள் கடுமையாகப் பதிலடி கொடுத்து வருகின்றனர். இது அமெரிக்காவை இராக் போன்ற ஒரு பெரும் புதைகுழியில் தள்ளக்கூடும். கியூபாவை விழுங்கத் துடிக்கும் அமெரிக்கா ஈரான் மற்றும் வெனிசுலாவில் முழுமை யான வெற்றியைப் பெறத் தவறிய டிரம்ப், இப் போது தனது பார்வையை கியூபாவின் பக்கம் திருப்பியுள்ளார்
. மார்ச் மாத நடுப்பகுதியில், டிரம்ப்பின் எண்ணெய் முற்றுகையால் கியூபா நாடு தழுவிய மின் தடையால் தவித்தபோது, அவர் ஓவல் அலுவலகத்தில் நிருபர்களிடம், “கியூபாவை எப்படியாவது கைப்பற்றும் பெருமை எனக்குக் கிடைக்கும் என்று நான் நம்புகிறேன். நான் அதை விடுவிக்கிறேனோ அல்லது எடுத்துக்கொள்கிறேனோ, அதை நான் என்ன வேண்டுமானாலும் செய்ய லாம்” என்று கூறினார். 1959 கியூபப் புரட்சி க்குப் பிறகு அமெரிக்காவின் ஒட்டுமொத்தக் கொள்கையை இந்த வரிகள் அம்பலப் படுத்துகின்றன: ‘‘கியூபாவிற்கு இறை யாண்மை எதுவும் கிடையாது, அதை என்ன வேண்டுமானாலும் செய்யலாம்” என்ற அமெரிக்காவின் ஆதிக்க எண்ணமே இது.
தற்போது கியூபாவிற்கும் அமெரிக்கா விற்கும் இடையே உயர்மட்டப் பேச்சு வார்த்தைகள் தொடங்கியுள்ளன. ஆனால், கியூபப் புரட்சியை முழுமையாக முறியடிக்க முடியாவிட்டாலும், கியூபாவின் ஜனாதிபதி மிகுயெல் தியாஸ் - கேனலை பதவியிலிருந்து நீக்க வேண்டும் என்று டிரம்ப் கேட்கிறார். தியாஸ்-கேனல், கியூபக் கம்யூனிஸ்ட் கட்சியின் பற்றுறுதிமிக்க உறுப்பினர், கட்சி யின் முதன்மைச் செயலாளராக இருக்கும் அவரது தலைமைத்துவத்தின் மீது கட்சி தொடர்ந்து நம்பிக்கை வைத்துள்ளது.
“நாங்கள் கியூபாவுடன் பேசிக் கொண்டி ருக்கிறோம், ஆனால் கியூபாவிற்கு முன்பாக ஈரானை முடிப்போம்” என்று டிரம்ப் கூறி யுள்ளார். அமெரிக்கா ஈரானில் சிக்கிக்கொண் டிருப்பதாலும், அமெரிக்காவின் நிபந்தனை களின் கீழான போர்நிறுத்தத்தை ஈரான் ஏற்க மறுத்துவிட்டதாலும், இந்த நேரத்தில் கியூ பாவைத் தாக்க அமெரிக்காவிற்குப் போதிய அவகாசம் இல்லை என்றே தோன்றுகிறது. கியூபாவின் இக்கட்டான சூழல் சில ஆண்டுகளுக்கு முன்பு, பிடல் காஸ்ட்ரோவின் உரைகளைத் தொகுத்து ‘லெப்ட் வேர்டு’ பதிப்பகத்திற்காக (LeftWord) ஒரு புத்தகத்தை நான் திருத்தினேன். கியூபப் புரட்சிக்கான பின்னடைவு அல்லது தோல்வி யின் தருணங்களில் பிடல் ஆற்றிய உரை களையே நாங்கள் தேர்ந்தெடுத்தோம்.
புரட்சிகரச் செயல்முறை என்பது எப்போதும் தாக்குதலுக்கு உள்ளாவது, தப்பிப்பிழைக்க மட்டுமல்லாமல் புரட்சியை முன்னோக்கி நகர்த்துவதற்கான புதிய வழிகளை எப்போ தும் தேடுவது மற்றும் எந்தவொரு தாக்குத லுக்கும் எதிராகத் தன்னைத் தற்காத்துக் கொள்ள எப்போதும் தயாராக இருப்பது ஆகியவற்றை இந்த உரைகள் விவரித்தன. ஹவானாவில் உள்ள பிடல் காஸ்ட்ரோ மையத்தில் நான் நடந்தபோது இந்த உரை களைப் பற்றி யோசித்துக்கொண்டிருந்தேன்.
2005-இல் பிடல் ஆற்றிய ஒரு உரையில், ‘ஒரு புரட்சியைத் தலைகீழாக மாற்ற முடியுமா?’ என்று கேட்டு, ‘இல்லை, கடுமையான பின்ன டைவுகள் ஏற்பட்டாலும் அதை மாற்ற முடியாது’ என்று பதிலளித்தார். கியூபாவின் மக்கள், புரட்சியின் மீது கடும் அதிருப்தி கொண்டவர்கள் கூட, புரட்சியை அழிப்பது என்பது 1959-க்கு முந்தைய மாஃபியா அரசு மற்றும் கடுமையான வறுமையின் கொடூ ரமான வழிகளுக்குத் திரும்புவதைக் குறிக்கும் என்பதைப் புரிந்துகொள்கிறார்கள்.
இப் போது அவர்களிடம் இருப்பது சுயமரியாதை; அது முற்போக்கு எதிர்ப்புப் புரட்சியால் அழிக்கப்பட்டுவிடும் என்பதை அவர்கள் உணர்ந்தே இருக்கிறார்கள். டிரம்ப்பின் எண்ணெய் முற்றுகை கியூபா வில் நாடு தழுவிய மின்வெட்டை ஏற்படுத்தி யுள்ளது, இது வாழ்க்கையின் அனைத்து அம்சங்களையும் ஆழமாகப் பாதிக்கிறது. கியூபாவில், மக்கள் இந்த அழுத்தத்தைத் தாங்குவார்களா என்று ஜனாதிபதி தியாஸ்- கேனலிடம் நான் கேட்டேன்.
“ஆம். எங்களுக்குப் போராடுவதைத் தவிர வேறு வழியில்லை. எங்கள் கண்ணியத்தை நாங்கள் ஒருபோதும் விட்டுக் கொடுக்க மாட்டோம்” என்று அவர் கூறினார். ஹவானாவில் நான் சென்ற இடமெல் லாம் மக்கள் தங்கள் சிரமங்களைப் பற்றிய கதைகளைக் கூறினர்; தங்கள் ஏமாற்றங்க ளை வெளிப்படையாகப் பேசினர்; ஆனால் அதே நேரத்தில், தங்கள் பிரச்சனைகளின் மையம் புரட்சியில் இல்லை, வாஷிங்டனில் தான் உள்ளது என்பதை அவர்கள் அறிந்தி ருந்தனர். ரஷ்யா மற்றும் மெக்சிகோவில் இருந்து எரிபொருள் ஏற்றிய கப்பல்கள் வந்து கொண்டிருக்கின்றன; பிற உதவிப் பொருட்கள் சிறிய அளவிலான நிவாரணத்தைக் கொண்டு வருகின்றன.
கடும் எரிபொருள் தட்டுப் பாட்டைக் கொண்டுள்ள கியூபாவால் அதி சக்தி வாய்ந்த அமெரிக்க ராணுவத்திற்கு எதிராகத் தன்னைத் தற்காத்துக் கொள்ள முடியாது; ஆனால் அமெரிக்கப் படைகளும் அவர்களின் கூலிப்படையினரும் கியூபாவின் மண்ணில் கால் வைத்தால், அவர்கள் கடுமையான எதிர்ப்பை சந்திப்பார்கள் என்று நான் சந்தித்த ஒவ்வொரு கியூபரும் கூறினர். இது ஈரானிலும் வெனிசுலாவிலும் உள்ள கருத்துக்களை எதிரொலிக்கிறது.
டிரம்ப் தான் சிக்கப்போகும் வலையைத் தானே அமைத்துள்ளார். இடைக்காலத் தேர் தல்களில் தனது கூட்டாளிகள் வெற்றிபெற வும், எப்ஸ்டீன் கதையை முழுமையாகப் புதைக் கவுமாக எளிதான வெற்றிகளை அவர்எதிர்பார்த்தார். ஆனால் அவர் ஈரானில் சிக்கிக்கொண்டுள்ளார், வெளியேற யாருடைய உதவியும் கிடைக்க வில்லை. அவர் கியூபாவிலும் சிக்குவார். ஏகாதிபத்தியம் வலிமையானது, ஆனால் அது எல்லாம் வல்லது அல்ல. (பீப்பிள்ஸ் டெமாக்ரசி, மார்ச் 22) தமிழில் சுருக்கம்: எஸ்பிஆர்