இலங்கையில் சிக்கியுள்ள இந்தியர்களுக்கு அவசர உதவி எண் அறிவிக்கப்பட்டுள்ளது.
இலங்கையில் டிட்வா புயல் காரணமாக ஏற்பட்ட இயற்கை பேரிடரில் இதுவரை வெள்ளம் மற்றும் நிலச்சரிவில் சிக்கி உயிரிழந்தோரின் எண்ணிக்கை 132ஆக அதிகரித்துள்ளது; 176 பேர் காணாமல் போயியுள்ளனர். இந்த நிலையில், அவசரகால நிலையை பிரகடனம் செய்தது இலங்கை அரசு.
இதை தொடர்ந்து, இலங்கையில் உள்ள இந்தியர்களுக்கு உதவ, கொழும்பு பண்டாரநாயக்கே சர்வதேச விமான நிலையத்தில் இந்திய தூதரகம், அவசர உதவி மையத்தை அமைத்துள்ளது. கொழும்பு விமான நிலையத்தில் உள்ள இந்திய உதவி மையத்தில் பயணிகளுக்குத் தேவையான உணவு, குடிநீர் வசதிகளும் வழங்கப்பட்டு வருவதாகத் தெரிவிக்கப்பட்டுள்ளது.
மேலும், இலங்கையில் சிக்கலை எதிர்கொள்ளும் இந்தியர்கள், +94773727832 என்ற அவசர உதவி எண்ணில் நேரடி அழைப்பு அல்லது வாட்ஸ்ஆப் மூலம் தொடர்புகொள்ளலாம் என அறிவிக்கப்பட்டுள்ளது.
