உலகில் முதல் நாடாக 10ஜி இணைய சேவையை சீனா அறிமுகம் செய்துள்ளது.
தொழில்நுட்ப வளர்ச்சியில் தொடர்ந்து முன்னேறி செல்லும் நாடான சீனாவின் ஹூபே மாகாணத்தில் ஹவாய் மற்றும் சீன யூனிகாம் தொலைத்தொடர்பு நிறுவனம் இணைந்து இந்த சேவையை கொண்டு வந்துள்ளது.
ஹூபே மாகாணம், சுனான் கவுண்டியில் கொண்டுவரப்பட்டுள்ள 10ஜி இணைய சேவை மூலம் 2 மணி நேரப் படத்தை சில விநாடிகளில் பதிவிறக்கம் செய்ய முடியும்.
9,934 எம்பிபிஎஸ் கோப்பை 3 மில்லி நொடிகளில் பதிவிறக்கம் செய்யவும், 1008 எம்பிபிஎஸ் வேகத்தில் பதிவேற்றம் செய்ய முடியும் என்றும் தெரிவிக்கப்பட்டுள்ளது.
10ஜி இணைய சேவையானது அதிநவீன 50ஜி பேசிவ் ஆப்டிகல் நெட்வொர்க் தொழில்நுட்பம் மூலம் இயக்கப்படுகிறது.
சீனாவில் மற்ற மாகாணங்களிலும் விரைவில் 10ஜி இணைய சேவையை அறிமுகம் செய்யவுள்ளதாக அறிவித்துள்ளனர்.
இந்தியா உட்பட பல நாடுகளில் இன்னமும் 5ஜி இணைய சேவையே முழுமையாக விரிவுபடுத்தாத நிலையில், சீனா 10ஜி இணைய சேவையை அறிமுகம் செய்துள்ளது உலக நாடுகளின் கவனத்தை ஈர்த்துள்ளது.