துணிநூல் துறையைப் பாதுகாக்க ஒன்றிய அரசுக்கு முதலமைச்சர் கடிதம்
அமெரிக்கா விதித்துள்ள 50% சுங்க வரியால் நெருக்கடி
சென்னை, ஆக. 30 - அமெரிக்கா விதித்துள்ள 50 சதவீத சுங்க வரியால் ஏற்பட்டுள்ள நெருக்கடி யில் இருந்து இந்தியாவின் ஏற்றுமதி சார்ந்த தொழில்களைப் பாதுகாக்க ஒன்றிய அரசு உடனடியாக நடவடிக்கை எடுக்க வேண்டும் என தமிழ்நாடு முதல மைச்சர் மு.க.ஸ்டாலின் வேண்டுகோள் விடுத்துள்ளார். குறிப்பாக துணிநூல் துறைக்கு முக்கி யத்துவம் அளித்து இந்தியாவின் ஏற்றுமதி துறைகளைப் பாதுகாக்கும் புதிய கொள் கையை வடிவமைக்க வேண்டும் என கடிதம் மூலம் வலியுறுத்தியுள்ளார். தமிழ்நாடு மிகவும் பாதிக்கப்படும் மாநிலம் அமெரிக்காவில் டிரம்ப் நிர்வாகம் விதித்த 50 சதவீத சுங்கவரி ஆகஸ்ட் 27, 2025 அன்று நடைமுறைக்கு வந்துள்ள தால், இந்தியாவின் ஏற்றுமதி சார்ந்த தொழில்கள் பெரும் அச்சத்தில் சிக்கி யுள்ளன. உற்பத்தி மற்றும் மென்பொருள் துறைகளில் இந்தியாவின் முன்னணி மாநிலங்களில் ஒன்றான தமிழ்நாடு, அமெரிக்காவைத் தனது மிகப்பெரிய ஏற்றுமதி சந்தையாகக் கொண்டுள்ளது. கடந்த நிதியாண்டில் தமிழ்நாட்டின் பொருள்கள் ஏற்றுமதியில் 31 சதவீதம் அமெரிக்காவுக்கே சென்றுள்ளது. இந்தியா முழுவதும் இது 20 சதவீதம் மட்டுமே. எனவே அமெரிக்காவின் வர்த்த கக் கொள்கையில் தற்போது ஏற்பட்டுள்ள மாற்றம் தமிழ்நாட்டை அதிகம் பாதிக் கிறது என குறிப்பிட்டுள்ள முதலமைச்சர், இந்தக் கடின சூழ்நிலையில் ஒன்றிய அரசின் பதில் நடவடிக்கை போதுமான தாக இல்லை என்று வருத்தம் தெரிவித் துள்ளார். 3.93 பில்லியன் டாலர் இழப்பு தமிழ்நாடு வழிகாட்டி நிறுவனம் நடத்திய பகுப்பாய்வின்படி, அமெரிக்கா வின் 50 சதவீத சுங்கவரி விதிப்பால் மாநிலத்தின் கணிக்கப்பட்ட இழப்பு 3.93 பில்லியன் டாலராக இருக்கும். அதிகம் பாதிக்கப்படுபவை துணிநூல், இயந்தி ரங்கள், வைரம் மற்றும் நகைகள், வாகன உதிரிபாகங்கள் ஆகிய தொழில் துறை களே. இந்தத் துறைகளில் வேலை இழப்பு 13 சதவீதத்திலிருந்து 36 சதவீதம் வரை உயரும் என அஞ்சப்படுகிறது. பேராபத்தில் கோடிக்கணக்கான குடும்பங்களின் வாழ்வாதாரம் இந்தியாவின் துணிநூல் ஏற்றுமதி யில் நாட்டிலேயே அதிகபட்சமாக 28 சதவீத பங்களிப்புடன் தமிழ்நாட்டின் துணி நூல் துறை கோடிக்கணக்கான குடும்பங் களைப் பாதுகாக்கிறது. திருப்பூர் மாவட் டத்தில் துணிநூல் தொழிலாளர்களில் 65 சதவீதம் பேர் பெண்கள். பல பத்தாண்டு களாக மக்கள் வாழ்க்கையை மாற்றிய சமூக-பொருளாதாரச் சூழல் இது. திருப்பூரே கடந்த ஆண்டு சுமார் ரூ.40,000 கோடி வெளிநாட்டுச் செலாவணியை ஈட்டியது. இந்நிலையில், அமெரிக்கச் சுங்க வரிகள் துணிநூல் துறையில் ஏற்படுத்தும் தாக்கம் மிகவும் கவலைக்கிடமானது என தெரிவித்திருக்கும் முதலமைச்சர், 50 சதவீத சுங்கவரியில் இந்தத் துறையின் சாத்தியமான இழப்பு ஏறத்தாழ 1.62 பில்லியன் டாலர் வரை இருக்கும் என மதிப்பீடுகள் காட்டுகின்றன. மேலும் நூற்றுக்கணக்கான, ஆயிரக்கணக்கான வர்களின் வேலைகள் உடனடியாக ஆபத்தில் உள்ளன என்று குறிப்பிட்டு உள்ளார். பிரதமர் மோடியின் பார்வைக்கு... ஆகஸ்ட் 16 அன்று உடனடி உதவி கோரி முதலமைச்சர் பிரதமருக்குக் கடிதம் எழுதியிருந்தார். அதில், முதன்மைத் தொகை திருப்பிச் செலுத்துதலுக்கு இடைக் காலத் தடை கொண்ட சிறப்பு நிவாரணத் திட்டம், 5 சதவீத சரக்கு மற்றும் சேவை வரிக் கீழ் மனிதனால் உருவாக்கப்பட்ட நார் சங்கிலியைக் கொண்டு வந்து தலை கீழ் சுங்கவரி அமைப்பைத் திருத்துதல், மேலும் அவசர கடன் வரி உத்தரவாதத் திட்டத்தின் கீழ் 30 சதவீதம் வரை அடமான மற்ற கடன்கள் வட்டி மானியத்துடன் வழங்கப்பட வேண்டும் எனக் கோரியிருந் தார். மேலும், ஏற்றுமதி செய்யப்பட்ட பொருள்களின் சுங்கங்கள் மற்றும் வரி களில் இருந்து விடுதலை 5 சதவீதமாக உயர்த்தப்பட வேண்டும் என்றும், நூலைச் சேர்ந்த துணிநூல்களையும் சேர்த்து அனைத்துத் துணிநூல்களுக்கும் ஏற்று மதி கடன் நீட்டிக்கப்பட வேண்டும் என்றும் பரிந்துரைத்திருந்தார். சுங்கங்களைச் சமன்படுத்திப் புதிய சந்தைகளைத் திறக்க விரைவான சுதந்திர வர்த்தக ஒப்பந்தங்கள் மற்றும் இருதரப்பு ஒப்பந்தங்கள் விரைவுபடுத்தப் பட வேண்டும் என வலியுறுத்தியிருந்தார். அமெரிக்காவுடன் இணைந்து, இந்தியா தனது தூதரக வழிகளைப் பயன்படுத்தி, ஐரோப்பிய ஒன்றியம், இங்கிலாந்து, ஆப்பிரிக்கா ஆகியவற்றுடன் உறவு களை ஆழப்படுத்த வேண்டும் என்றும் கேட்டுக் கொண்டிருந்தார். பருத்தி இறக்குமதி வரி நிறுத்தம் பிரதமருக்கு எழுதிய கடிதத்தின் பய னாக, பருத்தி இறக்குமதியில் 11 சதவீத சுங்கவரியை டிசம்பர் 31 வரை நிறுத்திய ஒன்றிய அரசின் முடிவை பாராட்டியிருக் கும் முதலமைச்சர், இந்தத் தற்காலிக இடைநீக்கம் உள்நாட்டுப் பருத்தி விலையை நிலைப்படுத்துவதை நோக்கமாகக் கொண்டுள்ளது. ஆனால் இது தற்காலிக மானது மட்டுமே. அமெரிக்கா உயர்த்தி யுள்ள சுங்கவரிகள் நீக்கப்படவில்லை யெனில் அல்லது பிற சலுகைகளால் சமன் படுத்தப்படவில்லையெனில், இந்த நிவா ரணம் தற்காலிகமானதாகவே இருக்கும் என்று சுட்டிக் காட்டியுள்ளார். எனவே, ஒன்றுபட்ட மனப்பாங்கு, தெளிவான நோக்கம், தக்க நேரச் செயல்பாடுகளுடன், இந்தியா உடனடி யாகத் தனது ஏற்றுமதியாளர்களைப் பாதுகாத்து, வலிமையுடன் எழுந்து நிற்கச் செய்ய வேண்டும் என்றும் கேட்டுக் கொண்டுள்ளார்.