தஞ்சாவூர், நவ.7- மாநில அளவிலான விளையாட்டுப் போட்டிகள் திருச்சியில் உள்ள அண்ணா விளையாட்டு அரங்கத்திலும், திருச்சி கருமண்டபத்தில் உள்ள நேஷனல் காலேஜ் வளாகத்திலும் நடைபெற்றன. மாநிலம் முழுவதிலும் இருந்து 500 க்கும் மேற்பட்ட மாணவர்கள், கராத்தே, குத்துச்சண்டை, சூடோ, கபாடி, கிரிக்கெட், சிலம்பம் ஆகிய விளையாட்டு போட்டிகளில் கல்ந்து கொண்டனர். இதில் செருவாவிடுதி வடக்கு அரசு உயர்நிலைப்பள்ளி, திருச்சிற்றம்பலம் கலைமகள் பள்ளி, பொக்கன்விடுதி வடக்கு ஊராட்சி ஒன்றிய நடுநிலைப்பள்ளி ஆகிய பள்ளிகளைச் சேர்ந்த மாணவர்கள் தஞ்சை மாவட்டத்தின் சார்பாக அனைத்து போட்டிகளிலும் கலந்து கொண்டு ஒட்டு மொத்த சாம்பியன்ஷிப் பட்டத்தை வென்றனர். 37 தங்கப் பதக்கங்களையும், 3 வெள்ளிப் பதங்கங்க ளையும், 11 வெண்கலப் பதக்கங்களையும் வென்று சாதனை படைத்தனர். மாநில சூடோ சங்கத் தலைவர் கந்தமூர்த்தி பதக்கங்களையும், சான்றிதழ்களையும் மாணவர்களுக்கு வழங்கினார். ஊர் திரும்பிய வனப்புலி தற்காப்பு கலை பயிற்சியாளர் ஷேக் அப்துல்லா தலைமையிலான பயிற்சியாளர்களையும், வெற்றி பெற்ற மாணவர்களையும் பெற்றோர்களும் பொதுமக்களும் வரவேற்றனர்.
