இந்திய பொதுப்பள்ளிகளுக்கான கூட்டமைப்பு சார்பில் 17 வயதுக்குட்பட்ட மாணவர்களுக்கான ஹாக்கிப் போட்டிகள் உடுமலையை அடுத்த அமராவதி நகரில் உள்ள சைனிக் பள்ளியில் நடைபெற்றது. இதில் வெள்ளியன்று நடைபெற்ற இறுதிப்போட்டியில் அமராவதி சைனிக் பள்ளி, கோல்பாரா அணியை 3-1 என்ற கோல் கணக்கில் வென்று சாம்பியன் பட்டம் பெற்றது. இதையடுத்து கோவை சூலூர் விமானப்படை நிலைய தலைமை அதிகாரி ஏர் கமோடர் சமீர் பென்சே, வெற்றி பெற்ற வீரர்களுக்கு கேடங்களையும், சான்றிதழ்களையும் வழங்கினார்.
