புதுச்சேரி வரைவு வாக்காளர் பட்டியல் வெளியீடு 85 ஆயிரம் பேர் நீக்கம்
புதுச்சேரி, டிச.16 - புதுச்சேரியில் உள்ள 25 தொகுதி களில் மொத்தம் 8.51 லட்சம் வாக்கா ளர்கள் இருந்த நிலையில், சிறப்பு தீவிர திருத்தத்தின் மூலம் 85,000 பேர், அதாவது 10.04 சதவீதம் நீக்கப்பட்டுள் ளனர். வரைவு வாக்காளர் பட்டியலில் 7.66 லட்சம் வாக்காளர்கள் உள்ளனர். புதுச்சேரி, லட்சத்தீவு ஆகிய இரு யூனியன் பிரதேசங்களிலும் வரைவு வாக்காளர் பட்டியல் செவ்வாய்க்கிழ மை வெளியிடப்படுவதாக இந்திய தேர்தல் ஆணையம் தெரிவித்திருந்தது. இந்நிலையில் இந்த வரைவு வாக்காளர் பட்டியலின் நகல்கள் சம்பந் தப்பட்ட மாநிலங்கள் மற்றும் யூனியன் பிரதேசங்களில் உள்ள அங்கீகரிக்கப் பட்ட தேசிய மற்றும் மாநில கட்சிகளு க்கு தலைமைத் தேர்தல் அதிகாரி மற்றும் மாவட்ட தேர்தல் அதிகாரி வழங்கினர். வரைவுப் பட்டியலில் பெயர் விடு பட்ட, வேறு பகுதிக்கு குடிபெயர்ந்த இறந்த மற்றும் போலி வாக்காளர் கள் குறித்த தகவல்களும் வலைதளங் களில் பதிவேற்றம் செய்யப்பட்டுள்ளது. வரைவு வாக்காளர் பட்டியலில் இடம் பெறாத தகுதியுடைய வாக்காளர்கள் ஜனவரி 15ஆம் தேதி வரை மீண்டும் விண்ணப்பிக்கலாம் என்று தெரி விக்கப்பட்டுள்ளது. வாக்காளர் சிறப்புத் தீவிர திருத்தப் பணிக்குப் பிறகு வரைவு வாக்காளர் பட்டியலில் உள்ள வாக்காளர்களின் விவரங்களை புதுச்சேரி யூனியன் பிரதேச முதன்மை தேர்தல் அதிகாரி பி.ஜவஹர் செவ்வாய்க்கிழமை வெளியிட்டார். பின்னர் அவர் செய்தியாளர்களிடம் கூறுகையில், “புதுச்சேரி யூனியன் பிரதேசத்தில் ஏற்கெனவே 10.21 லட்சம் வாக்காளர்கள் இருந்தனர். இப்போது சிறப்புத் தீவிர திருத்தப் பணிக்குப் பிறகு செவ்வாய்க்கிழமை வெளியிடப்பட்ட வரைவு வாக்காளர் பட்டியலில் 9.18 லட்சம் வாக்காளர்கள் மட்டுமே இடம் பெற்றுள்ளனர். வரைவு வாக்காளர் பட்டியலில் இப்போது இடம் பெற்றுள் ளவர்களின் எண்ணிக்கை 90 சத வீதம். நீக்கப்பட்டவர்கள் சுமார் 10 சத வீதம். இதில் இறப்பு 2 சதவீதம், முக வரி மாற்றம் மற்றும் முகவரியில் இல்லா தவர்கள் 8 சதவீதம், இரட்டிப்பு பதிவு 0.2 சதவீதம் அடங்கும்” என்றார்.