மதுரையில் ஜம்பிங் ஜாக்ஸ் போட்டியில் 5 வயது சிறுமி கின்னஸ் சாதனை படைத்துள்ளார்.
மதுரை சின்னசொக்கிகுளம் பகுதியைச் சேர்ந்த விஜய் நாராயணன் – ஸ்ருதி தம்பதியினரின் 5 வயது மகள் சம்யுக்தா. சமீபத்தில் நடைபெற்ற ஜம்பிங் ஜாக்ஸ் கின்னஸ் சாதனை போட்டியில் மொத்தம் 400 பேர் பங்கேற்றனர். இதில் 170 பேர் கின்னஸ் சாதனைக்காக தேர்வு செய்யப்பட்டுள்ளனர்.
இந்த போட்டியில் சம்யுக்தா என்ற 5 வயது சிறுமி ஜம்பிங் ஜாக்ஸ் போட்டியில் இரண்டரை நிமிடத்தில் 200 ஜம்பிங் ஜாக்ஸ் செய்து கின்னஸ் சாதனை படைத்துள்ளார்.
இதைத் தொடர்ந்து டேவாண்டோ போட்டியில் மாவட்ட அளவில் தங்கப்பதக்கம் பெற்றுள்ள சிறுமி, மாநில அளவிலான போட்டியிலும் பங்கேற்க உள்ளார்.
சிறுமியின் பெற்றோர்கள் இருவரும் டேக்வாண்டாவில் கின்னஸ் சாதனை படைத்துள்ளனர் என்பது குறிப்பிடத்தக்கது.