ஓசூர், மே 6-காவேரி மருத்துவமனையும் ஓசூர் தொழிற்சாலைகள் சங்கமும் (ஹெச்ஐஏ) இணைந்து நடத்திய இரண் டாம் ஆண்டு கிரிக்கெட் லீக் போட்டிகள் 30 நாட்கள் நடைபெற்றது. தொழிற்சாலைகளின் 32 அணிகள் கலந்து கொண்டு விளையாடின.இந்திய கிரிக்கெட் அணியின் முன்னாள் வீரர் சடகோபன் ரமேஷ் சிறப்பு விருந்தினராக விழாவில் கலந்து கொண்டார். முதல் பரிசாக மிண்டா நிறுவன அணிக்கு ரூ. 1 லட்சமும், கோப்பையும், ஆர்பி நிறுவன அணிக்கு இரண்டாம் பரிசு ரூ. 50 ஆயிரமும் கோப்பையும், டிவிஎஸ் நிறுவன அணிக்கு மூன்றாம் பரிசு ரூ. 25 ஆயிரமும் கோப்பையும், ஆட்ட நாயகன் அஜித்துக்கு ரூ. 5 ஆயிரமும் சடகோபன் ரமேஷ் வழங்கினார்.காவேரி மருத்துவமனை செயல் இயக்குநர் விஜயபாஸ்கர், மருத்துவர்கள் அரவிந்தன், நாகேஷ் குமார் உள்ளிட்டோரும் உடனிருந்து பரிசுகளை வழங்கினர்.ஓசூர் தொழிற்சாலைகள் சங்கத் (ஹெச் ஐ ஏ) தலைவர் ராஜகோபாலன், செயலாளர் அருளானந்தம், பொருளாளர் அரவிந், சுந்தரய் யர் ஆகியோர் வாழ்த்திப் பேசினர்.
