மாமல்லபுரம், மே 6- காஞ்சிபுரம் மாவட்டம், மாமல்லபுரம் அடுத்த பட்டிபுலம் பகுதியில் உள்ள தனியார் ரிசார்ட்டில் சட்ட விரோதமாக மது விருந்து நடைபெறுவதாக, காவல்துறைக்கு ரகசிய தகவல் கிடைத்துள்ளது. இதனைத்தொடர்ந்து காவல்துறையினர் ரிசார்ட்டில் சோதனை செய்தனர். அப்போது, ரிசார்ட்டில் உரிய அனுமதியின்றி மது விருந்து நடைபெற்றது தெரியவந்தது. இதில் 153 பேர் கலந்து கொண்டனர். பின்னர், மது விருந்தில் ஈடுபட்டவர்களை காவல்துறையினர் கைது செய்தனர். பின்னர் அவர்களது பெற்றோர்களை நேரில் வரவழைத்து காவல்துறையினர் எச்சரித்து அனுப்பினர். மேலும், கஞ்சா வைத்திருந்ததாக மூன்று பேர் மீதும், தடைசெய்யப்பட்ட போதை பொருட்கள் வைத்திருந்ததாக 9 பேர் மீதும் வழக்குப் பதிவு செய்து விசாரணை நடத்தி வருகின்றனர்.
ஊடக உலகில் உண்மையின் பேரொளி