தமிழகத்தில் கூடுதலாக பெய்த தென்மேற்கு பருவமழை

சென்னை, ஜூன் 21- மழையால் பாதிக்கப்பட்டுள்ள பகுதி களில் பல்துறை மண்டலக் குழுக்கள் அமைத்து, புகார்கள் மீது உடனடியாக நடவடிக்கை மேற்கொள்ள வேண்டும் என்று மாவட்ட ஆட்சியர்களுக்கு அமைச்சர் கே.கே.எஸ்.எஸ்.ஆர்.ராமசந்திரன் உத்தரவிட்டுள்ளார். தமிழகத்தின் பல்வேறு பகுதிகளில்  கடந்த சில நாட்களாக நல்ல மழை பெய்து வருகிறது. இந்நலையில் மழையை எதிர்கொள்ள மேற் கொள்ளப்பட்டுள்ள ஆயத்தப் பணிகள் குறித்து வருவாய் மற்றும் பேரிடர் மேலாண்மைத் துறை அமைச்சர் கே.கே.எஸ்.எஸ்.ஆர்.ராமச்சந்திரன் வெளியிட்டுள்ள அறிக்கையில் கூறியிருப்பதாவது:- ஜூன் மாதம் துவங்கி செப்டம்பர் வரை நீடிக்கும் தென்மேற்கு பரு வமழைக் காலத்தில் தமிழ்நாட்டிற்கு, 336 மி.மீட்டர் மழை இயல்பாக கிடை க்கப் பெறுகிறது. இது தமிழ்நாட்டின் வருடாந்திர இயல்பான மழை அளவில்,  35.84 விழுக்காடு ஆகும். இந்த தென்மேற்கு பருவமழையின் காரண மாக, தமிழ்நாட்டில் 20.6.2022 முடிய 65.7 மி.மீ. மழை பதிவாகியுள்ளது. இது  இயல்பான மழை அளவைக் காட்டிலும்  85 விழுக்காடு கூடுதல் ஆகும்.

6 ஆண்டுகளுக்கு பிறகு...

தமிழ்நாட்டில் கடந்த ஒரு வார காலமாக பரவலாக மழை பெய்து வரும் நிலையில், குறிப்பாக சென்னை யில் இரண்டு நாட்களாக கனமழை பெய்துள்ளது. ஜூன் மாதத்தில் சென்னை மாவட்டத்திற்கு இயல்பாக 56 மி.மீ. மழை கிடைக்கப் பெறும் என்ற  நிலையில், கடந்த ஜூன் 19 அன்று ஒரே நாளில் மட்டுமே 82.1 மி.மீ. மழை பதிவாகி யுள்ளது. இது கடந்த 6 ஆண்டுகளில் ஜூன் மாதத்தில் பதிவான மழையை விட மிக மிக அதிகம் ஆகும். கட்டுப்பாட்டு அறை திறப்பு பொதுமக்கள் மழை வெள்ளம் தொடர்பான  தங்களது புகார்களை மாநில அவசரக் கட்டுப்பாட்டு மையம்  மற்றும் மாவட்ட அவசரக் கட்டுப்பாட்டு மையங்களை முறையே 1070 மற்றும்  1077 என்ற கட்டணமில்லா தொலைபேசி  மூலம் தொடர்பு கொண்டு பதிவு செய்ய லாம். இதுமட்டுமின்றி, 94458 69848 என்ற  வாட்ஸ்அப் எண் வாயிலாகவும், TNSMART செயலி மூலமாகவும் பொது மக்கள் தங்களது புகார்களை பதிவு செய்யலாம். பாதிப்பிற்குள்ளாகும் பகுதிகளில் பல்துறை மண்டலக் குழுக்கள் அமைத்து, மழைக் காலங்களில் வரப் பெறும் புகார்கள் மீது உடனடியாக நடவடிக்கை மேற்கொள்ளுமாறு மாவட்ட ஆட்சியர்கள் அறிவுறுத்தப் பட்டுள்ளனர். இவ்வாறு தெரிவிக்கப்பட்டுள்ளது.