சென்னை,ஜூலை 10- தமிழ்நாட்டிலிருந்து அமர்நாத் யாத்திரை சென்று அங்கு ஏற்பட்ட நிலச்சரிவு ஆபத்திலிருந்து தப்பித்து, திருவாரூர், தஞ்சாவூர், நாகை தூத்துக்குடி, கோவை ஆகிய மாவட்டங்களை சேர்ந்த 25 பேர் சென்னை திரும்பினர். சென்னை விமான நிலையத்தில் செய்தியாளர்களைச் சந்தித்த அவர்கள் கூறியதாவது:- நாங்கள் ஒன்பது பெண்கள் உள்பட 25 பேர் ஜூலை 3ஆம் தேதி சென்னையிலிருந்து விமானத்தில் புறப்பட்டோம். 4 ஆம் தேதி அமர் நாத் சென்றோம். அப்போது அங்கு நல்ல சீதோசன நிலை நிலவியது. பின்பு அமர்நாத்துக்கு 6 கி.மீ., முன்னதாக உள்ள பஞ்சதரணி என்ற பகுதிக்கு சென்றோம். பின்னர் 4 ஆம் தேதி இரவு பஞ்சதரணியில் முகாமில் தங்கி யிருந் தோம். அதன் பின்பு 5 ஆம் தேதி காலையில் கோயிலுக்கு கீழே இறங்கும்போதே மழை பெய்ய தொடங்கிவிட்டது. உடனடியாக அமர்நாத்திலிருந்து கீழே இறங்குவதையும் அமர்நாத்துக்கு மேலே ஏறுவதையும் தடை செய்து விட்டனர். நாங்கள் என்ன செய்வது என்று தெரியாமல் அங்கு தவித்துக் கொண்டிருந்தோம். 4 மணி நேரத்தில் மழை ஓய்ந்து, வெயில் அடிக்க தொடங்கியது. இதை யடுத்து எங்களை கீழே இறங்க அனு மதித்தனர். நாங்களும் அவசரமாக கீழே இறங்கி பஞ்சதருனி வந் தோம். அங்கிருந்து ஹெலிகாப்ட ரில் மீட்கப்பட்டோம். ஆனால் மீண்டும் 6, 7 ஆகிய தேதிகளில் பெய்த பலத்த மழை யால், நாங்கள் தங்கியிருந்த பகுதி முழுவதுமே மண் சரிவு ஏற்பட்டு அடித்து செல்லப்பட்டது என்பதை அறிந்தபோது பெரும் அதிர்ச்சி அடைந்தோம். ராணுவத்தினர் மிகச் சிறப்பாக பாதுகாப்பு பணியில் ஈடுபட்டனர். இவ்வாறு தெரிவித்தனர்.
ஊடக உலகில் உண்மையின் பேரொளி