மகாராஷ்டிரா மாநிலத்தில் விரை வில் உள்ளாட்சித் தேர்தல் நடை பெறுகிறது. இந்த தேர்தலில் இந்தியா மற்றும் மகா விகாஸ் அகாதி (மகாராஷ்டிரா மாநில எதிர்க்கட்சி கூட்டணி) கூட்டணியில் அங்கம் வகிக்கும் சிவசேனா (உத்தவ்) கட்சி தனித்து போட்டியிடப் போவதாக அறிவித் துள்ளது. இதுதொடர்பாக நாக்பூரில் நடை பெற்ற செய்தியாளர்கள் சந்திப்பில் அக்கட்சியின் மூத்த தலைவர் சஞ்சய் ராவத் கூறுகையில்,“இந்தியா கூட்டணி மற்றும் மகா விகாஸ் அகாதி கூட்டணி கள் மக்களவை மற்றும் சட்டமன்றத் தேர்தல்களுக்கானவை. கூட்டணியில் இணைந்து போட்டியிடும்போது, தனிப் பட்ட கட்சிகளின் தொண்டர்களுக்கு வாய்ப்புகள் கிடைக்காது. இது கட்சியின் வளர்ச்சியைத் தடுக்கிறது. எனவே மும்பை, தானே, நாக்பூர் மற்றும் பிற நகராட்சிகள், மாவட்ட உள்ளாட்சிகள், கிராம பஞ்சாயத்துகள் ஆகியவற்றில் எங்கள் பலத்தின் அடிப்படையில் நாங்கள் போட்டியிடுவோம். இதற்கான ஆதரவை கட்சித் தலைவர் உத்தவ் தாக்கரே அளித்துள்ளார்” என அவர் கூறினார். காங்கிரஸ் கட்சிக்கு அறிவுரை மேலும் சஞ்சய் ராவத் கூறுகை யில், “இந்தியா கூட்டணிக்கு ஒரு ஒருங்கிணைப்பாளரைக் கூட நியமிக்க முடியவில்லை. இது நல்லதல்ல. கூட்ட ணியின் மிகப்பெரிய கட்சியாக, கூட் டத்தைக் கூட்டுவது காங்கிரஸ் கட்சியின் பொறுப்பு” என காங்கிரஸ் கட்சிக்கு அறிவுரை வழங்கினார்.
