515 பிரதிநிதிகள்; அசோக் தாவ்லே, மரியம் தாவ்லே பங்கேற்பு
கடந்த வாரம் அகில இந்திய விவசாயிகள் சங்கத்தின் மகாராஷ்டிரா மாநிலக்குழு, நாசிக் நகரில் உள்ள தோழர் கோதாவரி பருலேகர் மண்டபத்தில் பெண் விவசாயிகளின் மாநில மாநாட்டிற்கு ஏற்பாடு செய்தது. பெண் விவசாயிகளுக்காக மாநில மாநாடு நடத்துவது இதுவே முதல்முறை ஆகும். மகாராஷ்டிராவின் 15 மாவட்டங் களில் இருந்து மொத்தம் 515 பிரதி நிதிகள் (443 பெண்கள் மற்றும் 72 ஆண்கள்) ஆர்வத்துடன் பங் கேற்றனர். தானே-பால்கர் (155), அகமதுநகர் (109) மற்றும் நாசிக் (93) ஆகிய மூன்று மாவட்டங் களில் இருந்து அதிக அளவில் விவசாயப் பெண்கள் அணிதிரண்டனர். கொடியேற்ற நிகழ்விற்கு பிறகு அகில இந்திய விவசாயிகள் சங்கத்தின் மாநிலத் தலைவர் உமேஷ் தேஷ்முக் வரவேற்பு உரையாற்றினார். தொடர்ந்து மாநில பொதுச் செயலாளர் டாக்டர் அஜித் நாவலே மாநாட்டின் நோக்கம் தொடர்பாக விளக்க உரை யாற்றினார்.
மரியம் தாவ்லே
மாநாட்டை வழிநடத்தும் தலை மைக்குழுவில் 5 பெண்கள் இடம் பெற்றனர். மாநாட்டை அகில இந்திய மாதர் சங்கப் பொதுச் செய லாளர் மரியம் தாவ்லே தொடங்கி வைத்தார். மகிளா கிசான் அதிகார மஞ்ச் (மகம்) சீமா குல்கர்னி கலந்து கொண்டு உரையாற்றி னார். அகில இந்திய விவசாயிகள் சங்க மாநிலக்குழு உறுப்பினர் டாக்டர் கவிதா வேர் 17 அம்ச கோரிக்கை தீர்மானத்தை முன் வைத்தார். இந்திய தொழிற் சங்கங்களின் மையம், அகில இந்திய விவசாய தொழிலாளர்கள் சங்கம், இந்திய மாணவர் மற்றும் வாலிபர் சங்க பிரதிநிதிகள் உட்பட விவசாயி களின் சங்கம் சார்பாக 21 பெண் பிரதிநிதிகள், கோரிக்கைகள் தீர்மானத்தின் மீது முக்கிய ஆலோசனைகளை வழங்கினர். மாநாட்டை சிஐடியு துணைத் தலைவர் டாக்டர் டி.எல்.காரட், சிபி எம் எம்எல்ஏ வினோத் நிகோல் (தஹானு), சிஐடியு உழைக்கும் மகளிரணித் தலைவர்கள் சுபா ஷமிம், ஆனந்தி அவகாடே, மாதர் சங்க மாநிலத் தலைவர் நசீமா ஷேக், மாணவர் சங்க மாநில தலை வர் சோம்நாத் நிர்மல், வாலிபர் சங்க மாநிலச் செயலாளர் தத்தா சவான் ஆகியோர் வாழ்த்துரை வழங்கினர். சிபிஎம் அரசியல் தலைமைக் குழு உறுப்பினரும், அகில இந்திய விவசாயிகள் சங்க தலைவரு மான அசோக் தாவ்லே நிறைவுரை யாற்றினார். இந்த மாநாடு குறித்த சிறு புத்தகத்தை வெளியிடவும், மகாராஷ்டிரா கிராமங்களில் கோரிக்கை தீர்மானத்தை பிர பலப்படுத்தவும், மாவட்ட அள விலான பெண் விவசாயிகளின் மாநாடுகளை நடத்தவும், கோரிக் கைகள் தீர்மானத்தில் குறிப்பிடப் பட்டுள்ள பிரச்சனைகள் குறித்து போராட்டங்களை நடத்தவும் முடிவு செய்யப்பட்டது. மிகுந்த உற்சாகத்திற்கு மத்தியில் மாநாடு நிறைவடைந்தது.