அரிட்டாபட்டி டங்ஸ்டன் கனிமச் சுரங்க விவகாரம்

புதுதில்லி, நவ. 27 - தமிழ்நாட்டின் பெருமைமிகு அடை யாளங்களுள் ஒன்றான அரிட்டாபட்டி பகுதியில் ஹிந்துஸ்தான் ஜிங்க் டங்ஸ்டன் கனிமச் சுரங்கம் அமைப்ப தற்கான ஏல நடைமுறையை ரத்து செய்ய வேண்டும் என்று ஒன்றிய அரசின் நிலக்கரி மற்றும் சுரங்கத் துறை அமைச்சர் கிஷண் ரெட்டியை, சு. வெங்கடேசன் எம்.பி. புதனன்று நாடாளுமன்ற அலுவலகத்தில் நேரில் சந்தித்து முறையிட்டார்.

அப்போது, இந்தக் கோரிக்கை யின் மீது உறுதியான நடவடிக்கை எடுக்கப் படும் என்றும், இது சம்பந்தமாக மக்கள் அச்சப்படத் தேவையில்லை என அமைச்சர் கிஷண் ரெட்டியும், அதிகாரி களும் சு. வெங்கடேசன் எம்.பி.யிடம் தெரிவித்துள்ளனர்.

கடிதம் அளித்து நேரில் முறையீடு

முன்னதாக ஒன்றிய சுரங்க அமைச்சர் கிஷண் ரெட்டியிடம், நாடாளுமன்ற மக்களவையின் மதுரை  தொகுதி உறுப்பினர் சு. வெங்க டேசன் கடிதம் ஒன்றை வழங்கினார்.

“சுரங்கங்கள் மற்றும் கனிமங்கள் (மேம்பாடு மற்றும் ஒழுங்குமுறை) சட்டம், 1957-ன் கீழ் நடத்தப்பட்ட முக்கி யத்துவம் வாய்ந்த கனிமங்களின் 4- ஆவது ஏலத்தில் மதுரை மாவட்டம் மேலூர் தாலுகாவில் உள்ள டங்ஸ் டன் கனிமத் தொகுதியை ஹிந்துஸ் தான் ஜிங்க் நிறுவனம் ஏலத்தில் எடுத்துள் ளது. இது தொடர்பான அறிவிப்பை ஒன்றிய சுரங்கங்கள் அமைச்சகம் நவம்பர் 7ஆம் தேதி வெளியிட்ட (pib.gov.in/PressReleasePa…) செய்திக் குறிப்பின் வாயிலாக நான் அறிந்துகொண்டேன்.

பல்லுயிர்ப் பாதுகாப்புக்கு ஆபத்து

ஹிந்துஸ்தான் ஜிங்க் நிறுவனம் ஏலத்தில் எடுத்துள்ள 2015.51 எக்டர் கனிமத் தொகுதியானது பல்வேறு சூழல் மற்றும் வரலாற்றுக் காரணங் களுக்காக முக்கியத்துவம் வாய்ந்தது என்பதைத் தங்களுக்குத் தெரியப் படுத்த விரும்புகிறேன்.

நவம்பர் 22,2022 தேதியிட்ட தமிழ் நாடு அரசிதழில் மாநில சுற்றுச் சூழல், வனம் மற்றும் காலநிலை மாற்றங் களுக்கான துறை தமிழ்நாட்டின் முதல் பல்லுயிர் பாரம்பரியத் தலமாக மதுரை மாவட்டத்தின் அரிட்டாபட்டி மற்றும் மீனாட்சிபுரத்தைச் சேர்ந்த 193.215 ஹெக்டேர் பரப்பிலான பகுதி யை அறிவித்தது. இந்த பல்லுயிர் பாரம்பரியத் தலமாக அறிவிக்கப் பட்ட அரிட்டாபட்டியைச் சேர்ந்த மொத்த பரப்பும் தற்போது ஏலம்விடப்பட் டுள்ள கனிமத் தொகுதியின் 2015.51 ஹெக்டேர் பரப்பிற்குள் வருகிறது. 

வரலாற்றுத் தொன்மை வாய்ந்த அடையாளங்கள்

ஏலத்தில் விடப்பட்ட இந்த கனிமத் தொகுதிக்குள் தமிழ்நாட்டின் முக்கிய மான வரலாற்றுச் சின்னங்கள் அமைந் துள்ளன. குறிப்பாக 3500 ஆண்டு களுக்கு முந்தைய பெருங்கற்காலத் தைச் (megalithic) சேர்ந்த சின்னங்கள் 2200 ஆண்டுகளுக்கு முந்தைய தமிழி கல்வெட்டுகள், சமணர் படுக்கைகள், சங்ககால பாண்டியர்களால் கொடை யளிக்கப்பட்ட கற்படுக்கைகள், குடை வரைக்கோயில்கள் என தமிழ்நாட்டு வரலாற்றின் தனித்துவமான அடை யாளங்களை தாங்கி நிற்கும் இடமாக இது அமைந்துள்ளது. மேலும் 10-க்கும்  மேற்பட்ட கோவில்கள், 200 ஆண்டுகள் பழமையான தர்ஹா உள்ளிட்டவை யும் அமைந்துள்ளன. சூழல் மற்றும் வழிபாட்டு முக்கியத்துவம் வாய்ந்த தமிழ்நாட்டின் பெருமைமிகு அடை யாளங்களுள் ஒன்றான அழகர் மலையானது சுரங்கத் தொகுதியின் எல்லையிலிருந்து ஒன்றரை கிலோ மீட்டர் தூரத்தில் உள்ளது என்பதைத் தங்களுக்குத் தெரியப்படுத்துகிறேன்.

சூழல் முக்கியத்துவம் வாய்ந்த பகுதி

கனிமத் தொகுதியின் எல்லைக் குள் உள்ள அரிட்டாபட்டி மற்றும் சுற்று வட்டாரத்தில் ஏழு சிறுகுன்றுகள் தொடர்ச்சியாக அமைந்துள்ளன. இந்த  மலைக்குன்றுகளின் தனித்துவமான நிலப்பரப்பு இப்பகுதியின் முக்கிய நீர் ஆதாரப் பகுதியாக செயல்படுகிறது. இங்கு 72 ஏரிகள், 200 இயற்கைச் சுனைகள் மற்றும் 3 தடுப்பணைகள் உள்ளன. இப்பகுதியில் வெள்ளை வல்லூறு (Laggar Falcon), செம்மார்பு வல்லூறு (Shaheen Falcon), ராசாளிக் கழுகு (Bonelli’s eagle) உள்ளிட்ட 250 பறவைகளும், அழுங்கு (Pangolin), மலைப்பாம்பு (Python), தேவாங்கு (Slender Loris)  போன்ற உயிரினங்களும் வாழ்கின்றன.

இவ்வளவு முக்கியத்துவம் வாய்ந்த ஒரு நிலப்பரப்பை சுரங்கம் அமைப்பதற்கான ஏலப்பட்டியலில் சேர்த்ததே மிகவும் தவறாகும். இப்பகு தியில் டங்ஸ்டன் சுரங்கம் அமைத்தால் சூழல் மற்றும் வரலாற்றுத் தொன்மை வாய்ந்த நிலப்பரப்பு அழியும் என்ப தாலும் வேளாண்மை, மேய்ச்சல் உள்ளிட்டவையும் கடுமையாகப் பாதிக்கப்படும். மேலும் நிலத்தடி நீர்மட்டம் குறைந்து கடுமையான சூழல் சீர்கேடுகள் ஏற்படும் என்பதால் இக்கனிமத் தொகுதியை ஹிந்துஸ் தான் ஜிங்க் நிறுவனத்திற்கு ஏலத்தில் வழங்கியதை ரத்து செய்வதோடு அடுத்தகட்ட ஏலங்களிலும் இப்பகு தியை இடம்பெறச் செய்யக்கூடாது என துறை அதிகாரிகளுக்கு உத்தர விடுமாறு தங்களைக் கோருகிறேன். 

எல்லா வழிகளிலும் நம் மண்ணின் பெருமையையும், மக்களின் வாழ்வா தாரத்தையும், சுற்றுச்சூழலையும் பாதுகாக்கும் நடவடிக்கைகளை உறுதியோடு மேற்கொள்வோம்” என்று அந்தக் கடிதத்தில் சு. வெங்க டேசன் குறிப்பிட்டிருந்தார்.