facebook-round

img

நாட்டுக்கு சோறு போட்டவன் தன் உரிமைக்கு போராடும் போது மட்டும்..தேசம் தேசமென அலறுகிறது உங்கள் இறையாண்மை !!!

கார்ப்பரேட்டுகள்,

நிலத்தை பிடுங்கும் போது..

துயில் கொண்டிருந்தது

உங்கள் இறையாண்மை !

உழவர் தூக்கில்

தொங்கும் போது..

ஃபோட்டோ ஷூட்டில் இருந்தது

உங்கள் இறையாண்மை !

பசியோடு, ஆயிரம் கிலோமீட்டர்

தொழிலாளர்கள் நடந்த போது..

விளக்கேற்றி விளையாடிக் கொண்டிருந்தது

உங்கள் இறையாண்மை !

குடிநீர் தனியாருக்கு

விற்கப்படுகிறது..

ஒப்பந்த கொண்டாட்டங்களில்..

மது கோப்பைக்கு பின்னே

ஒளிந்துக் கொள்கிறது

உங்கள் இறையாண்மை !

மசூதிகள் இடிக்கப்படும் பொழுதோ..

மாட்டு மூத்திரம் தேசிய பானமாக்கப்படும் பொழுதோ..

இறந்த பசுமாட்டிற்காக

தலித்துகள் சித்ரவதை செய்யப்பட்ட

பொழுதோ...

ஆழ்நிலை தியானத்தில் இருந்தது

உங்கள் இறையாண்மை !

திருட்டுச் சாமியார்கள்

தனி நாடு வாங்கும் போதோ ,

காடுகளை வசப்படுத்தும் போதோ

பஜனை பாடிக் கொண்டிருந்தது

உங்கள் இறையாண்மை !

நாட்டுக்கு சோறு போட்டவன்

தன் உரிமைக்கு

போராடும் போது மட்டும்..

மதுக்கோப்பைக்கு பின்னிருந்து

பஜனையை முடித்துக் கொன்டு

சோம்பல் முறித்துக் கொண்டு

வேகமாய் ஓடி வந்து

தேசம் தேசமென அலறுகிறது

உங்கள் இறையாண்மை !!!

Arun Bhagath

பதிவில்.

;