பேராவூரணி, டிச.15- தஞ்சாவூர் மாவட்டம், பேராவூரணி பேரூராட்சிக்கு உட்பட்ட ஆதனூர் பெரிய ஏரியின் புறக்கரையில் மரக் கன்றுகள் நடும் விழா நடைபெற்றது. நிகழ்ச்சிக்கு, பேரூராட்சி மன்ற உறுப்பினர் ஆத னூர் காரல் மார்க்ஸ் தலைமை வகித்தார். நிகழ்ச்சியில், முன்னாள் சட்டமன்ற உறுப்பினர் மா.கோவிந்தராசு மரக்கன்றை நட்டு, விழாவை துவக்கி வைத்தார். நாவல்,நெல்லி, நாகலிங்கம், மருதம், வாகை, பலா, வேம்பு உள்ளிட்ட பல்வேறு வகையான சுமார் 150 மரக் கன்றுகள் ஏரிப்புறக்கரையை சுற்றி நடப்பட்டு, வேலி அமைக்கப்பட்டது.
