தமிழ்நாடு மருத்துவத் துறை நிர்வாக ஊழியர் சங்க அமைப்பு தின சிறப்பு மாநில பொதுக்குழுக் கூட்டம்
கரூர், நவ.30- தமிழ்நாடு மருத்துவத்துறை நிர்வாக ஊழியர் சங்கத்தின் 39 ஆம் ஆண்டு சங்க அமைப்பு தின சிறப்பு மாநில பொதுக்குழுக் கூட்டம், கரூர் அரசு ஊழியர் சங்க கூட்டரங்கில் நடைபெற்றது. கூட்டத்திற்கு சங்கத்தின் மாநிலத் தலைவர் கோ. வெங்கோபராவ் தலைமை வகித்தார். மாவட்டத் தலைவர் சி. சுந்தர்ராஜன் வரவேற்றுப் பேசினார். முன்னாள் மாநிலத் தலைவர் அ.ஜீவானந்தம், மாநிலச் செயலாளர்கள் அருள்பிரகாசம் ஆகியோர் முன்னிலை வகித்தனர். தமிழ்நாடு அரசு ஊழியர் சங்கத்தின் முன்னாள் பொதுச் செயலாளர் மு.சீனிவாசன், தமிழ்நாடு கல்வித்துறை நிர்வாக அலுவலர்கள் சங்கத்தின் மாநிலத் தலைவர் பொன் ஜெயராம் ஆகியோர் பேசினர். பொதுச் செயலாளர் இரா.ந. நம்பிராஜன் வேலை அறிக்கையை முன்வைத்துப் பேசினார். மாநிலப் பொருளாளர் சி.கண்ணன் வரவு, செலவு அறிக்கையை முன்வைத்து பேசினார். மருத்துவத்துறையில் அனைத்து நிலை நிர்வாக ஊழியர்களுக்கும் பணியிட மாறுதல் தொடர்பான கலந்தாய்வு நடத்திட வெளியிடப்பட்ட அரசாணையில் உள்ள தடையை நீக்கி அனைத்து நிலை நிர்வாக ஊழியர்களுக்கும் காலமுறைப்படி பணியிட மாறுதல் வழங்கிட வேண்டும். பதவி உயர்வு இன்றி காத்திருக்கும் 1,200 க்கும் மேற்பட்ட இளநிலை உதவியாளர், தட்டச்சர் மற்றும் சுருக்கெழுத்து தட்டச்சர்களை கொண்டு நிரப்பிட வேண்டும் என்பன உள்ளிட்ட பல்வேறு தீர்மானங்கள் கூட்டத்தில் நிறைவேற்றப்பட்டன. மாவட்டச் செயலாளர் தினேஷ் கண்ணன் நன்றி கூறினார். கூட்டத்தில் மருத்துவத்துறை நிர்வாக ஊழியர்கள் கலந்து கொண்டனர்.