ரியல்மீ நிறுவனம் தன்னுடைய புதிய தயாரிப்பான 'ரியல்மீ 9' ஸ்மார்ட்போனின் விற்பனையை இந்தியாவில் துவக்கியுள்ளது.
ரியல்மீ 9 புரோ ஸ்மார்ட்போன்கள் நல்ல வரவேற்பைப் பெற்ற நிலையில் ‘ரியல்மீ 9’ ஸ்மார்ட்போனின் விற்பனையை அந்நிறுவனம் நேற்று (ஏப்ரல் 12) இந்தியாவில் துவக்கியுள்ளது.’ரியல்மீ 9’ வரிசையில் வெளிவரும் இந்த ஸ்மார்ட்போன் 6.4 இன்ச் அளவுகொண்ட எச்டி திரை, சூப்பர் அமோல்ட் (AMOLED) திரை, 680 சிசி ஸ்னாப்டிராகன், 6 மற்றும் 8 ஜிபி உள்ளக நினைவகம், 128 ஜிபி கூடுதல் நினைவகம், பின்பக்கம் 108 எம்பி அளவுள்ள முதன்மை கேமராவும், 8 எம்பி விரிவான கோணத்திற்கும், 2 எம்பி சிறிய காட்சிகளை துல்லியப்படுத்தவும் பொருத்தப்பட்டிருக்கிறது. முன்பக்க செல்ஃபி கேமரா 16 எம்பி அளவை கொண்டுள்ளது. 5000 எம்ஏஎச் பேட்டரி வசதி, ஆன்டிராய்டு 12 ஒஎஸ், டைப்-சி போர்ட் போன்ற சில சிறப்பம்சங்களுடன் உருவாக்கப்பட்டிருக்கிறது.
இந்த ஸ்மார்ட் போனின் 6ஜிபி ரேம் + 128 ஜிபி ரூ.17,999 ஆகவும், 8ஜிபி ரேம் + 128ஜிபி ஸ்மார்ட்போன் ரூ.18,999 ஆகவும் விலை நிர்ணயம் செய்யப்பட்டுள்ளது.