தஞ்சைத் தமிழ்ப் பல்கலைக்கழகத் தேர்வு முடிவுகள் வெளியீடு
தஞ்சாவூர், ஜுன் 26- தமிழ்ப் பல்கலைக்கழகத்தில் 2024-2025 ஆம் கல்வியாண்டிற்கான முதுநுண்கலை சிற்பம், முதுகலை இசை, முதுநுண்கலை நாடகம், முதுநிகழ்த்துக்கலை நாடகம், முதுகலை கடல்சார் வரலாறு மற்றும் கடல்சார் தொல்லியல், ஒருங்கிணைந்த முதுகலை வரலாறு, இளங்கல்வியியல், முதுகலை தமிழ், ஒருங்கிணைந்த முதுகலைதமிழ், முதுகலை தமிழ் (உலகத் தமிழராய்ச்சி நிறுவனம்), ஒருங்கிணைந்த முதுகலை தமிழ் (உலகத் தமிழாராய்ச்சி நிறுவனம்) தேர்வு முடிவுகள் வெளியிடப்பட்டன. பல்கலைக்கழக துணைவேந்தர் குழு உறுப்பினர்கள் முனைவர் சி. அமுதா, பேரா. மரு. பெ. பாரதஜோதி அனுமதியுடன் பல்கலைக்கழகப் பதிவாளர் (பொ.) கோ. பன்னீர்செல்வம், தேர்வுக் கட்டுப்பாட்டு அலுவலர் முனைவர் ஆ.துளசேந்திரன் ஆகியோரின் முன்னிலையில் தேர்வு முடிவுகள் வெளியிடப்பட்டது. இத்தேர்வு முடிவுகளை தமிழ்ப் பல்கலைக்கழக http://www.tamiluniversity.ac.in என்ற இணையதள முகவரியில் தெரிந்து கொள்ளலாம்.