விருதுநகர் சந்தை பாமாயில், உருட்டு உளுந்து, துவரம் பருப்பு, பாசிப் பயறு விலை உயர்வு
விருதுநகர், அக்.19- விருதுநகர் சந்தையில் தீபாவளிப் பண்டிகை நெருங்கி வரும் நிலையில், பாமாயில், உருட்டு உளுந்தம் பருப்பு, துவரம் பருப்பு, பாசிப் பயறு ஆகிய வற்றின் விலை உயர்ந்துள்ளது. இத னால், கடைகளில் இனிப்பு மற்றும் கார வகைகளின் விலையும் உயர்ந்துள்ளது. விருதுநகர் சந்தையில் உருட்டு உளுந்தம் பருப்பு 100 கிலோ நாடு (பர்மா எப்.ஏ.க்யூ) வகை கடந்த வாரம் ரூ.9,250க்கு விற்பனையானது. இந்த வாரம் குவிண்டாலுக்கு ரூ.450 உயர்ந்துள்ளது. இதன் காரணமாக மூட்டை ஒன்று ரூ.9,700க்கு விற்பனை செய்யப்படுகிறது. மேலும், உருட்டு உளுந்தம் பருப்பு நாடு கடந்த வாரம் ரூ.10,200க்கு விற்கப் பட்டது. இந்த வாரம் மூட்டை ஒன்றுக்கு ரூ.100 உயர்ந்து, ரூ.10,300க்கு விற்பனை யாகிறது. பாமாயில் 15 கிலோ கடந்த வாரம் ரூ.2,025 என விற்ற நிலையில் இந்த வாரம் டின் ஒன்றுக்கு ரூ.5 உயர்ந்து ரூ.2,030க்கு விற்பனை செய்யப்படுகிறது. பாமாயில் மற்றும் உருட்டு உளுந்தம் பருப்பு ஆகியவற்றின் விலை உயர்ந்த காரணத்தால் கடைகளில் விற்பனை செய்யப்படும் இனிப்பு மற்றும் கார வகைகளின் விலைகளும் உயரும் நிலை ஏற்பட்டுள்ளது. இதனால் ஏழை, எளிய மக்கள் தங்களது வீடுகளுக்கு குறைவான அளவே இனிப்பு மற்றும் கார வகைகளை வாங்கும் நிலைக்கு தள்ளப்பட்டுள்ளனர். துவரம் பருப்பு புதுசு நாடு வகை கடந்த வாரம் 100 கிலோ ரூ.9,900 முதல் ரூ.10,100 வரை விற்பனையானது. இந்த வாரம் மூட்டை ஒன்றுக்கு ரூ.100 உயர்ந்துள்ளது. எனவே,ரூ.10ஆயிரம் முதல் ரூ.10,200 வரை விற்கப்படுகிறது. பாசிப் பருப்பு 100 கிலோ ரூ. 9 ஆயிரத்திற்கு விற்ற நிலையில் குவிண்டா லுக்கு ரூ.100 உயர்ந்து தற்போது ரூ.9,100க்கு விற்பனையாகிறது. பாசிப் பயறு இந்தியா லையன் மீடியம் வகை 100 கிலோ கடந்த வாரம் ரூ.7,400க்கு விற்ற நிலையில் இந்த வாரம் மூட்டைக்கு ரூ.100 உயர்ந்துள் ளது. எனவே, ரூ.7,500க்கு விற்பனை செய்யப்படுகிறது. குண்டூர் வத்தல் 100 கிலோ ஏசி வகை கடந்த வாரம் ரூ.14 ஆயிரம் முதல் ரூ.16,500 வரை விற்பனையானது. இந்த வாரம் மூட்டைக்கு ரூ. 500 வரை குறைவு ஏற்பட்டுள்ளது. எனவே மூட்டை ஒன்று ரூ.13,500 முதல் 14,500 வரை விற்கப்படுகிறது. மல்லி 40 கிலோ கடந்த வாரம் ரூ.5ஆயிரம் முதல் ரூ.5,900 வரை விற் பனையானது. இந்த வாரம் சந்தைக்கு வரத்து அதிகரித்த கார ணத்தால் மூட்டைக்கு ரூ.1500 வரை சரிவு ஏற்பட் டது. எனவே, மூட்டை ஒன்று ரூ. 3,500 முதல் ரூ.4300 வரை விற்பனை யாகிறது. அதேவேளை பிற அத்தியாவசிய உணவுப் பொருட்களின் விலையில் எவ்வித மாற்றமும் ஏற்படவில்லை.