கடந்த நான்கரை ஆண்டுகளில் 3,432 கோவில்களில் குடமுழுக்கு
அமைச்சர் பி.கே. சேகர் பாபு தகவல்
சென்னை, ஆக. 28 - சென்னை புரசை வாக்கத்தில் உள்ள கங்காதீஸ்வரர் கோவிலில் 94 லட்சம் மதிப்பீட்டில் புதிதாக கட்டப்படவுள்ள அன்னதானக் கூடத்திற்கு, இந்து சமய அறநிலைத்துறை அமைச்சர் பி.கே. சேகர்பாபு அடிக்கல் நாட்டினார். பின்னர் செய்தியாளர்களை சந்தித்த அவர், “மிகவும் பழமை யான கங்காதீஸ்வரர் கோவி லில் திருப்பணிகள் மேற் கொள்ளப்பட்டு குடமுழுக்கு விழா சிறப்பாக நடத்தப்பட்டது. இந்த திருக்கோவிலை பொறுத்தவரை இதுவரை 19 கோடி ரூபாய் அளவிற்கு திருப்பணிகள் மேற்கொள்ளப் பட்டுள்ளன. நாள்தோறும் 100 பக்தர்கள் உணவு அருந்தும் வகையில் அன்னதான கூடத்திற்கும் அடிக்கல் நாட்டப்பட்டுள்ளது. அன்னதானக் கூடம் ரூ. 94 லட்சம் மதிப்பில் கட்டப்பட வுள்ளது. இந்தப் பணி 3 மாத காலத்தில் பக்தர் களுடைய பயன்பா ட்டிற்கு வரும். இந்த ஆட்சியில் தான் 3,432 திருக்கோ வில்களில் குட முழுக்கு விழா எடுக்கப் பட்டுள்ளது. இன்றைய தினம் மட்டும் 32 திருக்கோவில்களில் குடமுழுக்கு நடைபெறுகிறது. வரும் தை மாதத்திற்குள் 4 ஆயிரம் கோவில்களுக்கு குடமுழுக்கு எடுக்கப்படும். அதேபோல், ஓடாமல் இருந்த பல திருக்கோவில் திருத்தேர்கள் திமுக ஆட்சி யில்தான் ஓடின. அந்தப் பெருமை திமுகவையே சேரும். 18 ஆண்டுகளுக்கு மேலாக ஓடாமல் இருந்த சிவகங்கை மாவட்டம் கண்டதேவி திருக்கோவில் திருத்தேரை ஓட வைத்த பெருமையும் திராவிட மாடல் ஆட்சியையே சாரும்” என தெரிவித்துள்ளார்.