திருவனந்தபுரம், ஜுன் 22- நல்ல உணவுப் பழக்கத்துடன் தொடர்ந்து உடற் பயிற்சி செய்வது உடல் ஆரோக்கியத்திற்கு அவசியம் என்று கேரள முதல்வர் பினராயி விஜயன் கூறியுள்ளார். சர்வதேச யோகா தின செய்தியில் முதல்வர் இந்த அறிவிப்பை வெளியிட்டுள்ளார். யோகாவின் சர்வதேச முக்கியத்துவம் என்னவென்றால், இது உடலுக்கும் மனதுக்கும் ஆற்றலை வழங்கும் ஒரு பயிற்சியாகும். வாழ்க்கை முறை நோய்களைக் கட்டுப்படுத்துவதில் யோகா முக்கிய பங்கு வகிக்கிறது. ஏனெனில் இது உடலின் முக்கிய பாகங்களைத் தூண்டி செயல்படுத்துகிறது. யோகா தினத்தின் செய்தியானது சமூகத்தின் மிகவும் பின்தங்கிய பிரிவினருக்கு யோகா மூலம் சிறந்த ஆரோக்கியத்தையும் மனநலத்தையும் வழங்குவதை நோக்கமாகக் கொண்டுள்ளது. யோகாவின் அறிவியல் அம்சங்களை மக்களிடம் கொண்டு சேர்க்க இந்த நாள் பயனுள்ளதாக அமையும் என்று முதல்வர் வாழ்த்தினார்.
விழாவை துவக்கி வைத்த சுகாதாரத்துறை அமைச்சர் வீணா ஜார்ஜ் பேசுகையில், வாழ்க்கை முறை மற்றும் உணவு முறை மாற்றப்பட வேண்டும். இந்த இரண்டு காரணிகளையும் கவனத்தில் கொண்டால், கேரள சமூகம் எதிர்கொள்ளும் வாழ்க்கைமுறை நோய்க ளைக் குறைக்கலாம். ஆரோக்கியமான உடல், மனம் மற்றும் உடற்பயிற்சி ஆகியவை அன்றாட வாழ்க்கையின் ஒரு பகுதியாக இருக்க வேண்டும். இதை யோகா மூலம் மிக விரைவாக அடைய முடியும் என்றார். நோய் எதிர்ப்பு சக்தியை அதிகரிப்பதிலும், நல்ல ஆரோக்கியத்தை உறுதி செய்வதிலும், நோய் வராமல் தடுப்பதிலும் யோகா முக்கிய பங்கு வகிக்கி றது. மனதுக்கும் உடலுக்கும் ஒரே நேரத்தில் அமைதி யையும் மகிழ்ச்சியையும் தருவது யோகாவின் தனிச் சிறப்பு. இது இயற்கையோடு மிகவும் ஒத்துப்போகும் விஞ்ஞானமும் கூட. யோகா மற்றும் பல்வேறு சிகிச்சை திட்டங்களுடன் இணைந்து உருவாக்கப்பட்ட சிகிச்சை கள் சுகாதாரத் துறையில் மிகவும் பயனுள்ளதாகத் தொடர்கின்றன. சமூகத்தின் மிகவும் பின்தங்கிய பிரிவினர் உட்பட, யோகா மூலம் சிறந்த ஆரோக்கியம் மற்றும் மன நலனை வழங்குவதில் சிறப்பு முக்கியத்து வம் அளிக்க ‘மனிதகுலத்திற்கான யோகா’ என்ற கருப் பொருள் தேர்ந்தெடுக்கப்பட்டுள்ளது. நமது உடலிலும் மனதிலும் தேங்கியிருக்கும் பொருட்களை அகற்ற யோகா உதவும் என்று அமைச்சர் கூறினார்.