அமெரிக்க வரி விதிப்பால் கடும் நெருக்கடியில் தொழில்முனைவோர்
சிறு தொழில்களுக்கான வராக்கடன் விதிகளைத் தளர்த்த வேண்டும்
புதுதில்லி, ஆக. 28 - அமெரிக்க வரி விதிப்பால் பாதிக்கப் பட்டுள்ள தொழில் முனைவோர்க்கு வங்கி வராக் கடன் விதிமுறைகளைத் தளர்த்த வேண்டும் என்று மார்க்சிஸ்ட் கம்யூனிஸ்ட் கட்சியின் மதுரை தொகுதி நாடாளுமன்ற உறுப்பினர் சு. வெங்கடேசன் வலியுறுத்தியுள்ளார். இதுதொடர்பாக, ஒன்றிய நிதி யமைச்சர் நிர்மலா சீதாராமனுக்கு கடிதம் ஒன்றை சு. வெங்கடேசன் எம்.பி. எழுதியுள்ளார். அதில் அவர் கூறியிருப்பதாவது: சிறு, குறு, நடுத்தரத் தொழில்களுக்குப் பாதிப்பு அமெரிக்கா விதித்த கூடுதல் இறக்கு மதி வரியின் காரணமாக பல சிறு, குறு மற்றும் நடுத்தரத் தொழில்கள் (MSMEs) கடுமையான இன்னல் களுக்கு உள்ளாகியுள்ளன. இதன் விளைவாக வங்கிக் கடன்களைச் செலுத்த முடியாமல், அவை வராக்கடன் களாக (NPAs) மாறும் அபாயமும் உள்ளது என எனது கவனத்திற்கு தொழில் முனைவோர்களால் கொண்டு வரப்பட்டுள்ளது. அமெரிக்கா விதித்துள்ள கூடுதல் இறக்குமதி வரி, குறு சிறு நடுத்தர தொழில்கள் மீது கடுமை யான எதிர்மறை விளைவுகளை ஏற்படுத்துமென எதிர்பார்க்கப்படு கின்றன. இந்தியாவின் மொத்த ஏற்று மதியில் 45 சதவிகிதம் வரையிலும் குறு, சிறு- நடுத்தரத் தொழில்கள் வாயி லாகவே நடந்தேறுகின்றன. ஜவுளி, கடல் உணவு, நகைகள் ஆகிய துறை கள் - அமெரிக்காவுக்கான இந்தியா வின் மொத்த ஏற்றுமதியில் சுமார் 25 சதவிகித பங்கைக் கொண்டுள்ள இவை - மிகவும் கடுமையாகப் பாதிக்கப்படும் வாய்ப்பு உள்ளது. இந்தத் துறைகளில் குறு, சிறு- நடுத்த ரத் தொழில்களுக்கு 70 சதவிகி தத்திற்கும் அதிக பங்கு உள்ளது. இரசாயன துறையும் கடும் பாதிப்பை எதிர்கொள்கிறது; அந்தத் துறையின் ஏற்றுமதியில் குறு, சிறு- நடுத்தர தொழில்களுக்கு 40 சதவிகித பங்கு உண்டு. தமிழக ஜவுளித் துறை முடங்கும் அபாயம் தமிழ்நாட்டில் இத்தாக்கம் மிக வும் கடுமையாக உள்ளது, ஏனெனில் இது ஜவுளி ஏற்றுமதியில் முக்கிய மாநிலமாகும்; இவற்றில் பெரும்பாலான அலகுகள் குறு, சிறு- நடுத்தரத் தொழில்களை சேர்ந்தவையே. வெளி நாட்டு வாடிக்கையாளர்களின் அறி வுறுத்தலின்படி, விநியோகங்கள் ஒத்தி வைக்கப்பட்டதால் திடீரெனக் கையிருப்புகள் அதிகமாகக் குவிந்து வருகின்றன. நூற்பு முதல் உடை தயாரிப்பு வரை உள்ள முழு வழங்கல் சங்கிலியும், இந்த வரிப் போரின் காரணமாக கடந்த ஒரு மாதத்திற்கும் மேலாகப் பாதிக்கப்பட்டுள்ளது. குறுகிய காலத்திலேயே மாற்று ஏற்று மதி சந்தைகளைப் பெறுவது மிகவும் சிரமமானதாக உள்ளது. இந்த நிலைமை குறு, சிறு. நடுத்தர தொழில்கள், வங்கிகளின் கடன் பொறுப்புகளை நிறைவேற்றுவதை கடினமாக்கி செலுத்த தவறும் கடன்களை வராக்கடன் வகைக்கு தள்ளக்கூடும்; இதன் விளைவாக அந்நிறுவனங்களின் எதிர்காலக் கடன் பெறும் தகுதியும் பாதிக்கப்படும். ஒன்றிய நிதியமைச்சர் தலையிட வேண்டும் இந்தச் சூழலில், ஒன்றிய நிதி யமைச்சரின் உடனடி தலையீட்டை நாடு கிறேன். மேலும், இந்திய ரிசர்வ் வங்கி யிடம் (RBI) விதிமுறைகளை தளர்த்த வும், இந்த நெருக்கடியின் போது குறு, சிறு- நடுத்தரத் தொழில்களின் கடன் கணக்கை, வராக்கடனாக வகைப்படு த்தாமல் இருக்க வங்கிகளுக்கு அறி வுறுத்தல் செய்யுமாறும் வேண்டுகிறேன். அமெரிக்காவுக்கு ஏற்றுமதி செய்யும் இந்திய குறு, சிறு, நடுத்த ரத் தொழில்களுக்கு மேற்கண்ட இறக்கு மதி வரி உயர்வு பிரச்சனையில் சாதக மான தீர்வு கிடைக்கும் வரை இந்த நிவாரணம் தொடர வேண்டும் என்றும் கேட்டுக் கொள்கிறேன். இவ்வாறு சு. வெங்கடேசன் எம்.பி. வலியுறுத்தியுள்ளார்.