குறுவைப் பயிர் கருகி பாதிக்கப் பட்டுள்ள விவசாயிகளுக்கு ஏக்கருக்கு ரூபாய் 35,000 இழப்பீடு வழங்கிட வேண்டுமென்று மார்க்சிஸ்ட் கம்யூனிஸ்ட் கட்சி தமிழக அரசை வலியுறுத்தியுள்ளது. மார்க்சிஸ்ட் கம்யூனிஸ்ட் கட்சியின் மாவட்டச் செயலாளர்கள் கூட்டம் மாநில செயற்குழு உறுப்பினர் எஸ்.கண்ணன் தலைமையில் வெள்ளியன்று சென்னை யில் நடைபெற்றது. இக்கூட்டத்தில் மாநிலச் செயலாளர் கே.பாலகிருஷ்ணன் கலந்து கொண்டார். இக்கூட்டத்தில் நிறை வேற்றப்பட்ட தீர்மானம் பின்வருமாறு: இந்த ஆண்டு பாசனத்திற்காக மேட்டூர் அணை ஜூன் 12ஆம் தேதி திறக்கப் பட்டது. உரிய காலத்தில் தண்ணீர் திறக்கப் பட்டதால் சுமார் 5 லட்சம் ஏக்கரில் விவசாயி கள் குறுவை சாகுபடி மேற்கொண்டனர். ஆனால், கர்நாடகத்திலிருந்து தமிழகத்திற் குரிய தண்ணீரை திறக்காத காரணத்தி னால் குறுவை சாகுபடி பாதிக்கப்பட்டது. குறிப்பாக, நாகப்பட்டினம், திருவாரூர் மற்றும் மயிலாடுதுறை மாவட்டங்களில் ஒரு பகுதியில் பயிர்கள் கருகி விவசாயிகள் பெரும் இழப்புக்கு ஆளாகியுள்ளனர். உச்சநீதிமன்ற தீர்ப்பின்படி, கர்நாடகா மாத வாரியாக தமிழ்நாட்டிற்கு திறந்து விட வேண்டிய தண்ணீரை திறக்க வலி யுறுத்தி தமிழ்நாடு அரசு ஒன்றிய அரசிட மும், காவிரி மேலாண்மை ஆணையத்திட மும் வற்புறுத்தியது. அதற்குரிய பலன் கிடைக்காத நிலையில் உச்சநீதிமன்றத்தில் வழக்கு தொடுக்க வேண்டிய நிலை ஏற் பட்டது. உச்சநீதிமன்றம் பயிர்கள் கருகி வரும் நிலையில் விரைந்து விசாரிப்ப தற்கு பதிலாக செப்டம்பர் 21ஆம் தேதிக்கு ஒத்திவைத்திருப்பது பாதிப்பின் தீவிரத்தை கணக்கில் எடுத்துக் கொள்ளவில்லை என்பதையே காட்டு கிறது. எனவே, உச்சநீதிமன்றம் கருகும் பயிரை காப்பாற்றும் வகையில் வழக்கை விரைந்து விசாரிக்க வேண்டும். செப். 20 விவசாயிகள் இயக்கத்துக்கு ஆதரவு செப்டம்பர் மாதம் சம்பா சாகுபடி பணிகள் துவங்கி நடைபெற வேண்டும். ஆனால், தண்ணீர் உத்தரவாதமில்லாத நிலையில் விவசாயிகள் சம்பா சாகுபடி பணிகளை துவக்க தயக்கம் காட்டி வரு கின்றனர். குறுவை சாகுபடியும் பாதிக்கப் பட்டு, சம்பா சாகுபடியும் இந்த ஆண்டு இல்லையென்றால் விவசாயிகள் மட்டு மல்லாமல் டெல்டா மாவட்ட பொருளா தாரமே கேள்விக்குறியாகும் நிலை ஏற் பட்டுள்ளது. இந்த நிலையில் தான், காவிரி படுகைப் பாதுகாப்பு கூட்டு இயக்கம் செப்டம்பர் 20ந் தேதி காவிரி டெல்டா மாவட்டம் முழுவதும் தொடர் முழக்கப் போராட்டத்தில் ஈடுபடுவதென்று அறி வித்துள்ளது. இந்தப் போராட்டத்திற்கு மார்க்சிஸ்ட் கம்யூனிஸ்ட் கட்சி தனது முழுமையான ஆதரவினை தெரிவித்துக் கொள்கிறது. உச்சநீதிமன்ற தீர்ப்பின்படி பற்றாக் குறை கால பகிர்வு அடிப்படையில் தமிழ் நாட்டிற்கு தண்ணீர் திறந்துவிட காவிரி மேலாண்மை ஆணையம் கர்நாடக மாநில அரசுக்கு உத்தரவிட வேண்டும். தமிழ்நாடு அரசு குறுவை பயிர் கருகி பாதிக்கப்பட்டுள்ள விவசாயிகளுக்கு ஏக்கருக்கு ரூபாய் 35 ஆயிரம் இழப்பீடு வழங்கி விவசாயிகளை பாதுகாக்க முன் வரவேண்டுமென்று மார்க்சிஸ்ட் கம்யூ னிஸ்ட் கட்சியின் மாவட்டச் செயலாளர்கள் கூட்டம் கேட்டுக் கொள்கிறது.
ஊடக உலகில் உண்மையின் பேரொளி