திருவனந்தபுரம்:
கோவிட் நோயாளிகளின் எண்ணிக்கை அதிகரித்த போதிலும், இறப்பு எண்ணிக்கை கேரளாவில் மட்டுமே குறைந்துள்ளது என்று சுகாதாரத்துறை அமைச்சர் கே.கே.சைலஜா தெரிவித்தார். மே மாதத்தில் இறப்பு 0.77 சதவிகிதமாகவும், ஜூன் மாதத்தில் 0.45 சதவிகிதமாகவும் இருந்தது. ஆகஸ்டில் இது 0.4 சதவிகிதமாக இருந்தது. இந்தியாவிலும் உலகிலும் சிறந்த மீட்பு விகிதம் கேரளாவில் உள்ளது என்றார். மற்ற மாநிலங்களில், 4 நாட்களுக்குள் எந்த அறிகுறிகளும் இல்லாவிட்டால், நோயாளி குணமடைந்து வெளியேற்றப்படுவார். கேரளாவில், 10 நாட்கள் ஆய்வுக்குப் பிறகே வீட்டிற்கு திருப்பி அனுப்பப்படுகிறார்கள்.
கேரளாவில் இறப்பு விகிதம் 10 லட்சத்திற்கு 34 ஆகும். மற்ற மாநிலங்களில் இது மிக அதிகம். கோவிட்டைப் பாதுகாக்க கேரளா மிகவும் அறிவியல் பூர்வமாக தலையிடுகிறது என்பதை இது காட்டுகிறது.கேரளாவில் இறப்பு விகிதம் 0.34 ஆகவும், கர்நாடகாவில் இது 1.62 சதவீதமாகவும் உள்ளது. அதன்படி ஒரு சதவீதத்திற்கும் அதிகமானோர் இறந்து கொண்டிருக்கிறார்கள் என்று பொருள். கர்நாடகாவில் 10,356 பேர் உயிரிழந்தனர். மகாராஷ்டிராவில் 41,752 பேர் உயிரிழந்தனர். முன்னெச்சரிக்கைகள் காரணமாக கேரளாவில் இறந்தவர்களின் எண்ணிக்கை 1161 ஆக குறைந்த நிலையில் உள்ளது. கேரளத்தின் அதிக மக்கள் தொகை அடர்த்தியுடன், பிற மாநிலங்களை ஒப்பிட்டால் அதிகமான மக்கள் இறந்திருப்பார்கள். ஆனால் நமது சுகாதார முறை நல்ல பயன்பாட்டுக்கு வந்துள்ளது என்பதே இறப்பு விகிதம் குறைவாக இருப்பதற்கு காரணம்.மற்றொரு குற்றச்சாட்டு, சோதனை குறைவாக உள்ளது என்பதாகும். நோயாளிகளின் எண்ணிக்கையில் அதிகரிப்புக்கு, சோதனைகளின் எண்ணிக்கை குறைவு காரணமல்ல. சில பகுதிகளில் பாதிப்புஅதிகரித்ததே காரணமாகும். சோதனை களின் எண்ணிக்கை அறிவியல் பூர்வமாக அதிகரிக்கப்பட்டது. நோய் தொற்று அறிகுறிகள் ஆராயப்படுகின்றன. அடுத்த தொடர்புகளும் பரிசோதிக்கப்படுகின்றன. மக்கள் ஒன்றாக வசிக்கும் பகுதி முழுவதும் ஆய்வு செய்யப்பட்டது.சமீபத்திய காலங்களில் 50,000 முதல் 60,000 வரை ஆய்வுகள் நடத்தப்பட்டன. அனைவரின் வீடுகளுக்கும் உதவி வழங்கப்படுகிறது. சோதனையில் பற்றாக்குறை இருப்பதாக பல ஊடகங்கள் கூறுகின்றன. ஆனால் மிகச் சிலரே இறப்பு எண்ணிக்கை குறைவாக இருப்பதாகக் கூறுகிறார்கள். குற்றம் காண்போர் எதையும் சொல்லலாம்.
சுகாதார ஊழியர்கள் இரவு பகலாக வேலை செய்கிறார்கள். மற்றொரு பிரச்சாரம் என்னவென்றால், கேரளாவில் வெண்டிலேட்டர் இல்லை என்பது. வெண்டிலேட்டர் தீர்ந்து விட்டதாக ஒரு செய்தித்தாள் செய்தி வெளியிட்டுள்ளது. தற்போது கேரளாவில் 2141 ஐசியூக்கள் உள்ளன. இதில் பாதிஇப்போது கோவிட்டிற்காக ஒதுக்கப் பட்டுள்ளது. இவற்றில் 445 பேர் தற்போது சிகிச்சையில் உள்ளனர், அதாவது 21 சதவிகிதம் கோவிட் நோயாளிகள் ஐசியுவில் உள்ளனர்.அரசுத் துறையில் 2169 வெண்டிலேட்டர்கள் உள்ளன. இதில் 1507 ஐசியு வெண்டிலேட்டர்கள். இவற்றில் 104 இல் மட்டுமே நோயாளிகள் உள்ளனர். அது 5 சதவிகிதம் மட்டுமே. சில மருத்துவமனைகளில் வெண்டிலேட்டர் முழுதும் பயன்பாட்டில் இருக்கலாம். அத்தகைய சந்தர்ப்ப த்தில் நோயாளி வெண்டிலேட்டருடன் மற்றொரு மருத்துவமனைக்கு மாற்றப்படுகிறார். இருப்பினும், சில மருத்துவமனைகளில் வெண்டிலேட்டர் முற்றிலும் காலியாக உள்ளன. அங்கு புதிய நோயாளியை அனுமதிக்க முடியும். இதையே வெண்டிலேட்டர் காலியாக இல்லை என்ற வதந்தியை பரப்பிய செய்தியாகும்.
தனியார் துறையில் 7085 ஐசியு அலகுகள் உள்ளன. இவற்றில் 275 நோயாளிகள் மட்டுமே உள்ளனர். இது 3.88 சதவிகிதம் மட்டுமே. உலகெங்கிலும் வெண்டிலேட்டர்கள் பற்றாக்குறை இருந்தபோதிலும், அது நமது தேவைக்கேற்ப கிடைத்தது. இதேபோல், ஆக்ஸிஜன் தேவைக்கு ஏற்ப இல்லை என்ற பிரச்சாரம் இருந்தது. ஆனால் ஆக்ஸிஜன் கிடைக்க ஆரம்பத்தில் இருந்தே நடவடிக்கை எடுக்கப்பட்டது. இந்த நோக்கத்திற்காக, உற்பத்தியை அதிகரிக்க ஆக்ஸிஜன் ஆலை அமைக்கப்பட்டது. ஒவ்வொரு நாளும் ஆக்ஸிஜன் தணிக்கை நடத்தப்படுகிறது என்றும் கே.கே.ஷைலஜா கூறினார்.