இந்திய மல்யுத்த அணியில் வினேஷ் போகத்

டோக்கியோ ஒலிம்பிக் 
 

உலக மல்யுத்த சாம்பியன்ஷிப் தொடர் கஜகஸ்தான் நாட்டின் நூர் சுல்தான் நகரில் நடைபெற்று வருகிறது. மகளிர் ‘ப்ரீஸ்டைல்’ 53 கிலோ பிரிவில் இந்தியாவின் வினேஷ் போகத் முதல் சுற்றில் ஜப்பானின் மாயூ முகாய்டாவிடம் 7-0 என்ற புள்ளி கணக்கில் வீழ்ந்தார். அதிர்ஷ்ட வாய்ப்புடன் ரெபிசேஜ் முறையை பெற்ற வினேஷ் பதக்க கனவை  தக்கவைத்தார்.  ரெபிசேஜ் சுற்றின் முதல் போட்டியில் உக்ரைனின் யூலியாவை 5-0 என்ற கணக்கில் புரட்டியெடுத்த வினேஷ், 2-வது போட்டியில் அமெரிக்காவின் சாராவை 8-2 வீழ்த்தி வெண்கல பதக்கத்திற்கான போட்டிக்குத் தகுதி பெற்றார். சாராவை வீழ்த்தியதன் மூலம் 2020-ஆம் ஆண்டு ஜப்பான் தலைநகர் டோக்கியோவில் நடைபெறவிருக்கும் ஒலிம்பிக் தொடரின் இந்திய மல்யுத்த அணியில் இடம்பிடித்துள்ளார்.