தமிழ்நாட்டை சேர்ந்த இஸ்ரோ விண்வெளி திட்டங்களில் முத்திரை பதித்த 9 விஞ்ஞானிகளுக்கு தலா ₹25 லட்சம் பரிசுத் தொகையை முதலமைச்சர் மு.க.ஸ்டாலின் அறிவித்துள்ளார்.
சாதனை படைத்த தமிழ்நாட்டை சேர்ந்த இஸ்ரோ விஞ்ஞானிகளுக்கான முதலமைச்சர் மு.க.ஸ்டாலின் தலைமையில் “ஒளிரும் தமிழ்நாடு மிளிரும் தமிழர்கள்” என்ற தலைப்பில் பாராட்டு விழா சென்னை, கோட்டூர்புரம், அண்ணா நூற்றாண்டு நூலக கலையரங்கில் நடைபெற்றது. தமிழ்நாடு உயர் கல்வித்துறை சார்பில் நடத்தப்பட்ட இந்த விழாவில், இஸ்ரோ விஞ்ஞானிகள் சிவன், மயில்சாமி அண்ணாதுரை, வீரமுத்துவேல், நிகர்ஷாஜி, நாராயணன், ராஜராஜன், சங்கரன், வனிதா, ஆசிர் பாக்யராஜ் ஆகியோருக்கு தலா ₹25 லட்சம் பரிசுத் தொகையை முதலமைச்சர் மு.க.ஸ்டாலின் அறிவித்துள்ளார்.
