மண்ணச்சநல்லூர், மே 30-மேட்டு இருங்களுரில் ஜல்லிக்கட்டு நடத்த அனுமதி கோரி பொதுமக்கள் வாடிவாசல் அருகே ஆர்ப்பாட்டம் நடத்தினர். மண்ணச்சநல்லூர் வட்டம் மேட்டு இருங்களுரில் ஆண்டுதோறும் ஜல்லிக்கட்டு நடத்துவது வழக்கம். இந்தாண்டு ஜல்லிக்கட்டுநடத்த மே 29-ம் தேதி அனுமதி கேட்டிருந்தனர். ஜல்லிக்கட்டு நடத்துவதற்கு ஏதுவாக வாடிவாசல் அமைத்தல் உள்ளிட்ட பணிகளை செய்தனர். ஆனால் நேற்று மாலை 3 மணிக்குத் தான் கோர்ட் அனுமதிவழங்கியது. 3 மணிக்கு மேல் எத்தனை மாடுகளை விட முடியும். எனவேஎங்களுக்கு ஜல்லிக்கட்டு நடத்துவதற்கு வேறு ஒரு நாளை தாருங்கள் எனக் கேட்டு பொதுமக்கள் மற்றும் அப்பகுதி மாடுபிடி வீரர்கள் வாடிவாசல் பகுதியில் ஆர்ப்பாட்டம் செய்தனர். இன்னும் ஓரிரு நாளில் ஜல்லிக்கட்டு நடத்த அனுமதி வேண்டும் என கோஷமிட்டனர்.
