நாகர்கோவில்:
கேரள கடல் பகுதியில் விசைப்படகு மீது வெளிநாட்டு கப்பல் மோதிகடலில் மூழ்கி இறந்த மீனவர்களில்குமரி மாவட்டத்தைச் சேர்ந்த மாமன், மருமகன் இருவரது உடல்கள் சொந்த ஊருக்கு கொண்டு வரப்பட்டன. உறவினர்களும் பொதுமக்களும், பல்வேறு அரசியல் கட்சியினரும் அஞ்சலி செலுத்தினர்.
குமரி மாவட்டம் குளச்சலைச் சேர்ந்த மீனவர்கள் கேரள மாநிலம் கோழிக்கோடு அருகே உள்ள பேப்பூரில் தங்கி மீன்பிடித் தொழில் செய்து வருகின்றனர். கடந்த11 ஆம் தேதி இரவு ஜாபர் என்பவருக்கு சொந்தமான விசைப்படகில் 14 மீனவர்கள் கடலுக்கு மீன்பிடிக்கச் சென்றனர். இந்த படகில் குமரி மாவட்டம் குளச்சல்,ஒடிசா, மேற்கு வங்க மாநிலத்தை சேர்ந்த மீனவர்கள் இருந்தனர். கடந்த 12 ஆம் தேதி இரவு மங்களூருவில் இருந்து 60 நாட்டிக்கல் மைல்தொலைவில் மீன்பிடித்து கொண்டு
இருந்தபோது, அவ்வழியாக சென்ற வெளிநாட்டு சரக்கு கப்பல் விசைப்படகு மீது மோதியது. இதில் விசைப்படகு கவிழ்ந்து மீனவர்கள் அனைவரும் கடலில் மூழ்கினர்.இதுகுறித்து தகவல் அறிந்ததும் மங்களூரு கடலோரப் பாதுகாப்புப் படையும், கடலோர காவல்துறையினரும் சம்பவ இடத்திற்கு விரைந்தனர். இதில் குளச்சலைச் சேர்ந்த வேல்முருகன், மேற்கு வங்க மாநிலத்தை சேர்ந்த சுனில்தாஸ் ஆகியோர் மீட்கப்பட்டனர். இவர்கள் மங்களூரு மருத்துவமனையில் அனுமதிக்கப்பட்ட னர். 3 பேரின் உடல்கள் மீட்கப்பட்டன. அதில் இருவர் குமரி மாவட்டம் குளச்சல் துறைமுக தெருவைச் சேர்ந்த அலெக்சாண்டர் மற்றும் அவரது மாமனார் தாசன் என்பது தெரிய வந்தது. மற்றொருவர் மேற்கு வங்கத்தை சேர்ந்தவர் ஆவார். அவரது உடலும் மீட்கப்பட்டுள்ளது.
இந்நிலையில் அலெக்சாண்டர், தாசன் ஆகியோரது உடல்கள்மங்களூரு அரசு மருத்துவமனை யில் புதனன்று கூராய்வு செய்யப் பட்டது. வியாழனன்று சொந்த ஊர் கொண்டுவரப்பட்டது. பல்வேறுஅரசியல் கட்சியினர், பொதுமக்கள் அஞ்சலி செலுத்தினர். மாயமான 9 பேரின்கதி என்ன? என்பது தெரியவில்லை. இவர்களில் 4 பேர் மேற்கு வங்கத்தை சேர்ந்தவர்கள் ஆவர். 5 பேர் தமிழகத்தை சேர்ந்தவர்கள். மாயமான மீனவர்களை தேடும் பணி தொடர்ந்து நடைபெற்று வருகிறது.