தஞ்சாவூர், ஏப்.20- தஞ்சாவூர் மாவட்டம் பேராவூரணியில் தமிழ்நாடு சைவ சித்தாந்த பயிற்சி மன்றத்தின் சார்பில் டாக்டர் ஜே.சி.குமரப்பா பள்ளியில் இலவச கோடைக்கால சைவ சித்தாந்த வாழ்வியல் குறித்த ஒரு வார கால பயிற்சி முகாம் சனிக்கிழமை தொடங்கியது. தமிழ்நாடு மெட்ரிக் பள்ளிகள் சங்க மாநில துணைப் பொதுச் செயலாளரும் குமரப்பா பள்ளி தாளாளருமான முனைவர் ஜி.ஆர்.ஸ்ரீதர் தொடங்கி வைத்து பேசினார். தஞ்சாவூர் அப்பர் தமிழ் மன்ற தலைவர், நல்லாசிரியர் ஆம்பல் முருக வைத்திலிங்கம், மன்ற செயலாளர் நல்லாசிரியர் குரு புவனசுந்தரலெட்சுமி ஆகியோர் பயிற்சி அளித்தனர். நூற்றுக்கும் மேற்பட்ட மாணவ, மாணவிகள் கலந்து கொண்டனர். நிறைவாக ஆசிரியர் குழ.மதியழகன் நன்றி கூறினார்.
