புதுச்சேரி: பெட்ரோல், டீசல் விலை உயர்வு அமல்!

புதுச்சேரியில் பெட்ரோல், டீசல் விலை உயர்வு இன்று (ஜனவரி 1) முதல் அமலாகியுள்ளது.
புதுச்சேரியில் பெட்ரோலுக்கு 2.44%மும், டீசலுக்கு 2.57%மும் மதிப்பு கூட்டு வரி (வாட்) உயர்த்தி அம்மாநில பாஜக கூட்டணி அரசு கடந்த டிசம்பர் 29-ஆம் தேதி அரசாணை வெளியிட்டது. புதுச்சேரியில் பெட்ரோல் மீதான வாட் 14.55%-லிருந்து 16.98%ஆகவும், காரைக்காலில் 14.55%லிருந்து 16.99%ஆகவும், மாஹேவில் 13.32%லிருந்து 15.79%ஆகவும், ஏனாமில் 15.26%லிருந்து 17.69%ஆகவும் அதிகரிக்கப்பட்டுள்ளது. அதேபோல், டீசல் மீதான வாட் புதுச்சேரியில் 8.65%லிருந்து 11.22%ஆகவும், காரைக்காலில் 8.65%லிருந்து, 11.23%ஆகவும், மாஹேவில் 6.91%லிருந்து 9.52%ஆகவும், ஏனாமில் 8.91%லிருந்து 11.48%ஆகவும் அதிகாரிக்கப்பட்டுள்ளது.
அதன்படி, புதுச்சேரியில் பெட்ரோல் விலை லிட்டருக்கு ரூ.2 உயர்த்தப்பட்டு ரூ.96.25க்கும், டீசல் விலை லிட்டருக்கு ரூ.2 உயர்த்தப்பட்டு ரூ.86.47க்கும் விற்பனை செய்யப்படுகிறது.