திண்டுக்கல்லில் நவம்பர் புரட்சி தினத்தையொட்டி சிஐடியு சார்பாக எதிர்நீச்சல் எனப்படும் புதிய யூடியூப் சேனல் துவங்கப்பட்டது. சிஐடியு மூத்த தலைவரும், முன்னாள் மாநிலங்களவை உறுப்பினருமான டி.கே.ரங்கராஜன் கலந்து கொண்டு துவக்கி வைத்தார். வியாழனன்று பேகம்பூரில் உள்ள சிஐடியு மாவட்டக்குழு அலுவலகத்தில் நடைபெற்ற இந்நிகழ்ச்சிக்கு மாநில பொதுச் செயலாளர் ஜி.சுகுமாறன் தலைமை வகித்தார். திண்டுக்கல் மாவட்டச் செயலாளர் கே.பிரபாகரன் வரவேற்றார். அரசு போக்குவரத்து தொழிலாளர் சம்மேளனத்தின் பொதுச் செயலாளர் கே.ஆறுமுகநயினார் அறிமுக உரையாற்றினார். திண்டுக்கல் மக்களவை உறுப்பினர் ஆர்.சச்சிதானந்தம், மாவட்டத் தலைவர் கே.ஆர்.கணேசன், சிஐடியு மாநில வலைத்தளக்குழு கன்வீனர் கே.சி.கோபிகுமார், தமிழ்நாடு மின் ஊழியர் மத்திய அமைப்பின் மாநில பொதுச் செயலாளர் எஸ்.ராஜேந்திரன், சிஐடியு மாநிலக்குழு உறுப்பினர் பேரா.சோ.மோகனா ஆகியோர் வாழ்த்திப் பேசினர். மின் ஊழியர் மத்திய அமைப்பின் மாநிலத் தலைவர் கண்ணன் நன்றி கூறினார். நிகழ்ச்சியை சிஐடியு அரசு போக்குவரத்துத் தொழிலாளர் சங்கத்தின் திண்டுக்கல் மண்டல பொதுச் செயலாளர் என்.ராமநாதன் ஒருங்கிணைத்தார்.
