திண்டுக்கல் சௌந்திரராஜா மில்லில் ஒரு சாதாரண தொழிலாளியாக தனது வாழ்க்கையைத் தொடங்கிய என்.வரதராஜன், மார்க்சிஸ்ட் கம்யூனிஸ்ட் கட்சியின் தமிழ்நாடு மாநிலச் செயலாளர் வரை உயர்ந்தார். தோழர் சுருளிவேல் எனும் பலசரக்கு கடைக்காரர் மூலம் கம்யூனிஸ்ட் கட்சியில் இணைந்த அவர், தோழர்கள் ஏ.பி., எஸ்.ஏ.தங்கராஜன், மதனகோபால் ஆகியோருடன் இணைந்து திண்டுக்கல் தோல் பதனிடும் தொழிலாளர் சங்கத்தில் செயல்பட்டார்.
தளராத போராட்ட வாழ்வு
1948ல் கட்சி தடை செய்யப்பட்ட காலத்தில் தலைமறைவாக இருந்து கட்சிப் பணியாற்றினார். கட்சியில் தத்துவார்த்த வேறுபாடுகள் ஏற்பட்டபோது, தேசியக் கவுன்சிலில் இருந்து 32 தோழர்கள் வெளியிட்ட அறிக்கையை ஆதரித்து, தமிழ்நாட்டில் 52 பேர் வெளியிட்ட வேண்டுகோளில் கையெழுத்திட்டார். 1964ல் மார்க்சிஸ்ட் கம்யூனிஸ்ட் கட்சி உருவான பின் அதில் இணைந்து செயல்பட்டார்.
படிப்படியான வளர்ச்சி
H மதுரை மாவட்டச் செயலாளர்
H மாநில செயற்குழு உறுப்பினர்
H மத்தியக் குழு உறுப்பினர்
H 2002ல் மாநிலச் செயலாளராகத் தேர்வு
H தொடர்ந்து 3 முறை மாநிலச் செயலாளர்
தலித் மக்களின் குரல்
“அடுக்கப்பட்ட மூட்டையில் அடி மூட்டையாக இருக்கிற தொழிலாளி வர்க்கம். அதில் தலித் மக்கள் தீண்டாமைக் கொடுமைக்கு ஆளாகிறார்கள். அவர்களது விடுதலைக்கு என்ன வழி?” என்ற கேள்வியை எப்போதும் எழுப்பிக் கொண்டிருந்தார்.
முக்கிய போராட்டங்கள்
H கண்டதேவி தேரோட்டப் பிரச்சனை H பாப்பாபட்டி, கீரிப்பட்டி பிரச்சனை H உத்தப்புரம் தீண்டாமைச் சுவர் போராட்டம் உத்தப்புரம் தீண்டாமைச் சுவர் போராட்டத்தில் அவரது தலையீடும், “இது என்ன அவமானச் சுவர், இதை அரசு அகற்றாவிட்டால் நாங்கள் அகற்றுவோம்” என்ற அவரது எச்சரிக்கையும் வரலாற்றில் முக்கியமானவை.
அருந்ததியர் உரிமைக்கான போராட்டம்
2004இல் தமிழ்நாடு தீண்டாமை ஒழிப்பு முன்னணியின் சார்பாக அருந்ததியர் அமைப்புகளுடன் இணைந்து 3 விழுக்காடு உள் ஒதுக்கீட்டுக்கான மாநாடு நடத்தினார். கிராமம் கிராமமாகச் சென்று மக்களைத் திரட்டினார். முதல்வர் கலைஞருடன் பேச்சுவார்த்தை நடத்தி வெற்றி பெற்றார்.
எட்டாம் வகுப்பு படித்த மார்க்சிய ஆசான்
எட்டாம் வகுப்பு வரையே படித்திருந்தாலும், கம்யூனிச தத்துவத்தையும் கட்சியின் அரசியலையும் எளிமையாக அனைவருக்கும் புரியும் வகையில் எடுத்துரைக்கும் திறன் கொண்டிருந்தார். மூன்று முறை சட்டமன்ற உறுப்பினராக இருந்தும் சொந்த வீடு இல்லாமல் வாடகை வீட்டிலேயே வாழ்ந்தார்.
இறுதி நாள் வரை இயக்கம்
2012ம் ஆண்டு, தனது 88வது வயதில் கோழிக்கோட்டில் நடந்த கட்சியின் அகில இந்திய மாநாட்டுக்குச் சென்று திரும்பிய பின், சர்க்கரை நோய் காரணமாக ஏப்ரல் 10ம் நாள் இயற்கை எய்தினார்.
தோழர் என்.வி.யின் பாரம்பரியம்
H தொழிலாளி வர்க்கத்தின் விடுதலைக்கான அயராத போராட்டம் H தலித் மக்களின் உரிமைக்கான குரல் H கம்யூனிச சித்தாந்தத்தை எளிமைப்படுத்தும் திறன் H எளிமையான வாழ்க்கை முறை H இறுதி மூச்சு வரை கட்சிப் பணி தொழிலாளியாகத் தொடங்கி, தலித் மக்களின் தலைவராக உயர்ந்து, மார்க்சிய சித்தாந்தத்தை மக்களுக்கு எளிமையாக்கிய இந்த மாபெரும் தலைவரின் வாழ்க்கை, இன்றைய தலைமுறைக்கு ஒரு வழிகாட்டி.