கடலூர், ஜூன் 16- கடலூர் மாவட்ட மாட்டுவண்டி தொழிலாளர் சங்கத்தின் மாவட்ட பேரவைக் கூட்டம் காடாம்புலியூரில் மாவட்டத் தலைவர் ஆர்.வி.சுப்பிரமணியன் தலைமையில் நடைபெற்றது. மாவட்ட துணைத் தலைவர் எஸ்.பொன்னம்பலம் வரவேற்றார். சிஐடியு மாவட்டத் தலைவர் ஜி.பாஸ்கரன் துவக்க உரையாற்றினார். சிஐடியு மாநிலக் குழு உறுப்பினர் டி.பழனிவேல், சிஐடியு மாவட்ட துணைத் தலைவர் வி.சுப்புராயன் ஆகியோர் வாழ்த்துரை வழங்கினர். சிஐடியு மாவட்டச் செயலாளர் பி.கருப்பையன் நிறைவுரை ஆற்றினார். சிறப்புத் தலைவராக ஆர்.வி.சுப்பிரமணியன், மாவட்டத் தலைவராக எஸ்.பொன்னம்பலம், செயலாளராக வி.திருமுருகன், பொருளாளராக வி.செல்வராஜ் துணைத் தலைவர்களாக பி.பரணி, ஜே.விஸ்வநாதன் உட்பட 12 நிர்வாகிகள் தேர்வு செய்யப்பட்டனர்.
