குடவாசல், ஜூன் 5- குடவாசலில் கட்டுமான சங்கப் பேரவையில் புதிதாக 50 தொ ழிலாளர்கள் உறுப்பினர்களாக தங்களை இணைத்துக் கொண்டனர். அவர்களுக்கு கட்டுமான தொழிலாளர் சங்க (சிஐடியு) உறுப்பினர் அடையாள அட்டை வழங்கப்பட்டது. பேரவைக்கு கட்டுமான சங்கத்தின் குடவாசல் ஒன்றிய தலைவர் துரை தலைமை தாங்கினார். செயலாளர் கரு ணானந்தம் முன்னிலை வகித்தார். அரசு ஊழியர் சங்கத்தின் மாவட்ட தலைவர் எம்.ராஜ மாணிக்கம், மேல்நிலை நீர்த்தொட்டி ஆப்பரேட்டர் சங்கத்தின் மாவட்டத் துணைத் தலைவர் கே.ஆறுமுகம் ஆகியோர் வாழ்த்துரை வழங்கினர். முன்னதாக மார்க்சிஸ்ட் கட்சியின் ஒன்றிய குழு உறுப்பினர் டி.ஜி.சேகர் வரவேற்று உரையாற்றி னார். சங்கத்தின் மாவட்டத் தலைவர் கே.காளிமுத்து புதிய உறுப்பினர்களை வரவேற்று கட்டுமான சங்கத்தின் சிஐடியு அடையாள அட்டையை வழங்கி சங்க செயல்பாடுகள் பற்றி விளக்க உரையாற்றினார் நிறைவாக பொருளாளர் மருதை யன் நன்றி கூறினார்.
