சென்னை, அக். 28- தீபாவளியையொட்டி சொந்த ஊர் செல்வதற்காக தமிழ்நாடு போக்குவரத்துக் கழகங்கள் சார்பில் சிறப்பு பேருந்துகள் இயக்கப்பட்டன. கடந்த 24ஆம் தேதி முதல் 26ஆம் தேதி வரை மொத்தம் 11,111 பேருந்துகள் இயக்கப்பட்டன. இதில் சென்னையில் இருந்து மட்டும் 6 லட்சத்து 70 ஆயிரத்து 630 பேர் தங்களது சொந்த ஊர் செல்வதற்காக பயணம் செய்துள்ளனர். அதேபோல் தீபாவளி முடிந்து மீண்டும் திரும்பி வரவும் சிறப்பு பேருந்துகள் இயக்கப்பட்டு வருகின்றன. மற்ற ஊர்களில் இருந்து சென்னைக்கு தினசரி 2,225 பேருந்துகள் வருகின்றன. அந்த பேருந்து களிடன் கூடுதலாக 1,600 பேருந்துகள் இயக்கப்படு கின்றன. அதே நேரத்தில் மற்ற ஊர்களுக்கு 2,964 பேருந்துகள் இயக்கப்படுகின்றன. தமிழகம் முழு வதும் திங்களன்று (அக். 28) 6,789 பேருந்துகள் இயக்கப்பட்டன. இந்த சிறப்பு பேருந்துகள் வரும் 30ஆம் தேதி வரை இயக்கப்படுகின்றன.
