இந்தியாவிற்கு சுற்றுப்பயணம் மேற்கொண்ட தென் ஆப்பிரிக்க அணி தற்போது டெஸ்ட் போட்டியில் விளையாடி வருகிறது. 3 போட்டிகளைக் கொண்ட டெஸ்ட் தொடரின் முதலிரண்டு ஆட்டத்தில் இந்திய அணி வெற்றிபெற்ற நிலையில் 3-வது மற்றும் கடைசி டெஸ்ட் போட்டி ஜார்க்கண்ட் மாநிலத்தின் தலைநக ரான ராஞ்சியில் சனியன்று தொடங்குகிறது. இந்த டெஸ்ட் போட்டியில் கலந்து கொள்ள ராணுவ வீரர்கள், சிஆர்பிஎப் வீரர்கள் மற்றும் என்சிசியை சேர்ந்தவர்கள் என 5 ஆயிரம் பேருக்கு இலவச டிக்கெட் வழங்கப்படும் என ஜார்க்கண்ட் கிரிக்கெட் சங்க செயலாளர் சஞ்சய் கூறியுள்ளார்.
