கோவை, நவ.4- ஆனைகட்டி அருகே வன விலங்குகளை வேட்டை யாடுவதற்கு கள்ளத் துப்பாக்கிகள் வைத்திருந்த 6 பேரை காவல் துறையினர் கைது செய்தனர். கோவை மாவட்டம், ஆனைகட்டி அருகே அதிகாலை நேரங்களில் சிலர் துப்பாக்கியுடன் காட்டுக்கு சென்று வன விலங்குகளை வேட்டையாடுவதாக காவல் துறையின ருக்கு தகவல் கிடைத்தது. இதனையடுத்து ரோந்துப் பணியில் வனத்துறையினர் ஈடுபட்டனர். அப்போது, ஆனைகட்டி மலைப்பகுதியில் வனவிலங் குகளை வேட்டையாட முயன்ற தூமனூரைச் சேர்ந்த எல்.சடயன் (53), ஆலமரமேடு பகுதியை சேர்ந்த கே. பொன்னுசாமி (75), சி.மருதன் (65), சி.முருகன் (37), கண்டி வழியை சேர்ந்த சி.ரங்கசாமி (57) மற்றும் ஜம்புகண்டியைச் சேர்ந்த கே.நஞ்சப்பன் (33) ஆகியோரை கைது செய்தனர். மேலும், அவர்களிடமிருந்த 4 துப்பாக்கிகளை பறிமுதல் செய்த வனத்துறையினர், அவர்கள் 6 பேரையும் ஆனை கட்டி காவல்துறையினரிடம் ஒப்படைத்து விசாரணை மேற்கொண்டு வருகின்றனர்.
