தீபாவளி: சிறப்பு பேருந்துகள் இயக்கம் போக்குவரத்துக் கழக இயக்குநர் தகவல்
கும்பகோணம், அக்.16 - அக்.20 தீபாவளி பண்டிகையை யொட்டி, சிறப்பு பேருந்துகள் இயக்கப்படும் என தமிழ்நாடு அரசு போக்குவரத்துக் கழக இயக்குநர் தசரதன் தெரிவித்துள்ளார். இதுகுறித்து அவர் மேலும் தெரிவித்திருப்பதாவது: தமிழ்நாடு அரசு போக்குவரத்து கழகம் (கும்பகோணம்) லிட்., கும்பகோணம் மூலமாக பொதுமக்கள் எளிதாக பயணம் செய்ய சென்னை கிளாம்பாக்கம் பேருந்து நிலையத்திலிருந்து திருச்சி, பெரம்பலூர், துறையூர், கரூர், புதுக்கோட்டை, காரைக்குடி, இராமநாதபுரம் மற்றும் மதுரை செல்லும் பேருந்துகள் செல்லும் பேருந்துகள் (நடைமேடை எண்.5), கும்பகோணம், தஞ்சாவூர், பட்டுக்கோட்டை, மன்னார்குடி, நன்னிலம், நாகப்பட்டினம், காரைக்கால், வேளாங்கண்ணி, மயிலாடுதுறை, திருவாரூர், திருத்துறைப்பூண்டி மற்றும் வேதாரண்யம் செல்லும் பேருந்துகள் (நடைமேடை எண்.7), அரியலூர் மற்றும் ஜெயங்கொண்டம் செல்லும் பேருந்துகள் (நடைமேடை எண்.8) அக்.16 அன்று 82 கூடுதல் பேருந்துகளும், அக்.17 அன்று 702 கூடுதல் பேருந்துகளும், அக்.18 அன்று 652 கூடுதல் பேருந்துகளும், அக்.19 அன்று 252 கூடுதல் பேருந்துகளும் இயக்கப்படும். மேலும், திருச்சியிலிருந்து தஞ்சாவூர், கும்பகோணம், திருவாரூர், நாகப்பட்டினம், புதுக்கோட்டை, மதுரை ஆகிய ஊர்களுக்கும், மதுரை, கோயம்புத்தூர், திருப்பூர் ஊர்களிலிருந்து திருச்சி, தஞ்சாவூர், புதுக்கோட்டை ஆகிய ஊர்களுக்கும், கும்பகோணம் போக்குவரத்து கழக இயக்க பகுதிக்குட்பட்ட அனைத்து முக்கிய நகரங்களுக்கும் அக்.16 அன்று 150 கூடுதல் பேருந்துகளும், அக்.17, 19 ஆகிய நாட்களில் 900 கூடுதல் பேருந்துகளும் இயக்கப்படும். அனைத்து முக்கிய நகரங்களிலிருந்து, அனைத்து நகர் பேருந்துகளும் பயணிகளின் பயன்பாட்டுற்கு ஏற்ப இயக்க விரிவான ஏற்பாடு செய்யப்பட்டுள்ளது. தீபாவளி முடிந்து திரும்ப அவரவர் ஊர்களுக்குச் செல்ல அக்.21, 22, 23 ஆகிய 3 நாட்களில் கூடுதல் சிறப்பு பேருந்துகள் இயக்க ஏற்பாடு செய்யப்பட்டுள்ளது. பயணிகள் வசதிக்காக சென்னையிலிருந்து திருச்சி, அரியலூர், ஜெயங்கொண்டம், கும்பகோணம், தஞ்சாவூர், பட்டுக்கோட்டை, புதுக்கோட்டை, மயிலாடுதுறை, காரைக்குடி, கரூர், இராமநாதபுரம், சிவகங்கை, வேளாங்கண்ணி, திருவாரூர் ஆகிய ஊர்களுக்கும், கோயம்புத்தூரிலிருந்து திருச்சி, திருச்சியிலிருந்து இராமேஸ்வரம், கோயம்புத்தூர் ஆகிய ஊர்களுக்குச் செல்லும் பேருந்துகளுக்கு முன்பதிவு வசதி செய்யப்பட்டு வருகிறது. எனவே, பயணிகள் www.tnstc.in இணையத்தின் மூலம் முன்பதிவு செய்து பயணிக்கலாம். இவ்வாறு அவர் தெரிவித்துள்ளார்.