மீண்டும் கனமழை எச்சரிக்கை: அதிகாரிகள், ஊழியர்கள் பணியில் இருக்க உத்தரவு !

சென்னை, டிச.29 - தென் மாவட்டங்களில் பெய்த வரலாறு காணாத மழையால் மக்கள்  வீடு, உடமைகளை இழந்து பெரும்  பாதிப்புக்கு ஆளாகி உள்ளனர். தூத்துக்குடி, நெல்லை மாவட்டங்கள் இன்னும் முழுமையாக இயல்பு நிலைக்கு திரும்பவில்லை. ஒரு சில பகுதிகளில் மழை வெள்ளம்  வடியவில்லை. அரசு எந்திரம் போர்க் கால அடிப்படையில் செயல்பட்டு வருகிறது. மக்கள் படிப்படியாக இயல்பு நிலைக்கு திரும்பி உள்ளனர். இந்த நிலையில் தென் மாவட்டங் களில் மீண்டும் கனமழை பெய்யும் என்று இந்திய வானிலை ஆய்வு மையம் எச்சரித்துள்ளது. வருகிற 31 ஆம் தேதி (ஞாயிற்றுக்கிழமை) மதியம்  1 ஆம் தேதி ஆகிய நாட்களில் ஓரிரு  இடங்களில் பலத்த மழை பெய்யக் கூடும் என்று தெரிவிக்கப்பட்டுள்ளது. டிச.30 அன்று தென் தமிழ்நாட்டின் ஒரு சில இடங்களிலும் புதுவை மற்றும்  காரைக்கால் பகுதிகளில் லேசான மழை  பெய்யக்கூடும். டிச. 31 மற்றும் ஜன.1 ஆம் தேதி தென் தமிழ்நாட்டின் ஒரு சில  இடங்களிலும், வட தமிழ்நாட்டில் ஓரிரு  இடங்களில் லேசான மழை பெய்யும். கன்னியாகுமரி, திருநெல்வேலி, தூத்துக்குடி மற்றும் இராமநாதபுரம் மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளது.தென் மாவட்டங்களில் மீண்டும் கனமழை எச்சரிக்கை கொடுக்கப்பட்டு இருப்பதால் மாவட்ட நிர்வாகங்கள் உஷார் நிலையில் உள்ளன. வானிலை ஆய்வு மையத்தின் தகவலை தொடர்ந்து 4 மாவட்டங் களுக்கு பேரிடர் மேலாண்மை வீரர்கள், தீயணைப்பு வீரர்கள், அரசு  அதிகாரிகள், ஊழியர்கள், முன்னெச் சரிக்கை நடவடிக்கையில் ஈடுபட தயாராக இருக்க வேண்டும் என்று மாவட்ட ஆட்சியர்கள் உத்தர விட்டுள்ளனர். அதேபோல், அனைத்து துறை அதிகாரிகள், ஊழியர்கள் 30, 31  மற்றும் 1 ஆம் தேதிகளில் அலுவலகங் களில் இருக்க வேண்டும். யாரும் விடுப்பு எடுக்கக் கூடாது என அறிவுறுத் தப்பட்டுள்ளது. தாமிரபரணி ஆறு உள்ளிட்ட பல்வேறு ஆறுகள், அணைகளை தீவிர மாக கண்காணிக்கும் பொதுப்பணித் துறை அதிகாரிகளுக்கு மாவட்ட நிர்வாகம் உத்தரவிட்டுள்ளது. தென்  மாவட்டங்களில் பலத்த மழை எச்சரிக்கை விடுக்கப்பட்டு இருப்பதால்  மக்கள் அச்சத்தில் உள்ளனர்.